ზელენსკი: სლოვაკეთი მხარს უჭერს უკრაინის ევროკავშირში გაწევრიანებას, ეს ძალიან მნიშვნელოვანია

სლოვაკეთი მხარს უჭერს უკრაინას ევროკავშირში გაწევრიანების გზაზე. ბრატისლავა მზადაა, კიევს თავისი გამოცდილებით დაეხმაროს. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

უჟგოროდში სლოვაკეთის პრემიერ-მინისტრ რობერტ ფიცოსთან შეხვედრის შემდეგ ზელენსკიმ აღნიშნა, რომ განიხილეს არაერთი მნიშვნელოვანი და საკვანძო თემა, მათ შორის უკრაინის ევროკავშირში გაწევრიანება.

„სლოვაკეთი მხარს უჭერს უკრაინას ევროკავშირისკენ სვლაში. ეს ძალიან მნიშვნელოვანია. ჩვენ ასევე ვხედავთ, რომ უკრაინამ და მოლდოვამ ერთად უნდა განაგრძონ სვლა ევროკავშირში წევრობისკენ“, - აღნიშნა მან.

ამავდროულად, ზელენსკიმ ხაზი გაუსვა უკრაინასა და სლოვაკეთს შორის ორმხრივი თანამშრომლობის მნიშვნელობას ეკონომიკურ, ენერგეტიკულ და ინფრასტრუქტურულ საკითხებში. ამან ორივე ქვეყანა უნდა გააძლიეროს. ამავდროულად, მისი თქმით, რუსეთის ენერგორესურსებს ევროპაში მომავალი არ აქვს - ეს არის თვალსაზრისი, რომლის გადაცემაც უკრაინის პრეზიდენტმა თანამოსაუბრისთვის სცადა.

გარდა ამისა, მხარეებმა გაცვალეს ინფორმაცია, კერძოდ, ზელენსკიმ ფიცოს ევროპელ ლიდერებსა და ტრამპს შორის გამართული საუბრის შესახებ უამბო, სლოვაკეთის პრემიერ-მინისტრმა კი ზელენსკის ჩინეთში კონტაქტების შესახებ მოუყვა.