„ქართული ოცნების“ ახალგაზრდული ორგანიზაცია საყოველთაო სახალხო შეკრებას უერთდება

„ქართული ოცნების“ ახალგაზრდული ორგანიზაცია საყოველთაო სახალხო შეკრებას უერთდება.

ახალგაზრდული ორგანიზაციის წევრები 29 აპრილს, ორშაბათს, 16:00 საათზე ფილარმონიასთან შეიკრიბებიან და 18:00 საათზე, მსვლელობით გადაინაცვლებენ პარლამენტის სასახლისკენ, სადაც მონაწილეობას მიიღებენ ღონისძიებაში „მამული, ენა, სარწმუნოება“.

„ერთად ვუთხრათ კი:

* გამჭვირვალობას;
* საქართველოს სუვერენიტეტსა და დამოუკიდებლობას;
* ქვეყნის მშვიდობიან, ევროპულ განვითარებას;
* ტრადიციულ ეროვნულ და ნამდვილ, ევროპულ ღირებულებებს.

ერთად ვუთხრათ არა:
* შავი ფულით მოწყობილ რევოლუციებს;
* მართლმადიდებელ ეკლესიაზე თავდასხმას;
* ლგბტ პროპაგანდას;
* ნარკოტიკების პროპაგანდას;
* პოლიციელების შეურაცხყოფას;
* სახელმწიფო ინსტიტუტების დისკრედიტაციასა და რადიკალიზმს.

ვერავის მივცემთ იმის საშუალებას, რომ ჩვენი ქვეყნის წინააღმდეგ მიმართულ ქმედებებში ახალგაზრდების სახელი გამოიყენოს.

სამი კვირის განმავლობაში, ჩვენი ორგანიზაციის წევრები და მხარდამჭერები აქტიურ, საინფორმაციო კამპანიაში იყვნენ ჩართულები. ახლა კი, დადგა დრო ახალგაზრდული მსვლელობითაც ვაჩვენოთ ჩვენი სიმართლე და ილიას გზის ერთგულება.

ახალგაზრდობას ყოველთვის ჰქონდა განსაკუთრებული როლი საქართველოს განვითარებაში. 2024 წლის 29 აპრილიც ამის დადასტურება უნდა იყოს!“, - აცხადებენ „ქართული ოცნების“ ახალგაზრდულ ორგანიზაციაში.