იტალიის ქალაქ რეჯო-კალაბრიაში ქართული საღამო გაიმართა

იტალიის ქალაქ რეჯო-კალაბრიაში ორგანიზაცია "ქართული კულტურის ცენტრი იტალიაში" ხელშეწყობით ქართველი ნიჭიერი შემსრულებლის კუსა ღადუას შემოქმედებითი საღამო გაიმართა, რომელიც ქალთა საერთაშორისო დღეს მიეძღვნა. 

ღონისძიებას ორგანიზებას უწევდა ცენტრის რეგიონალური მენეჯერი ხათუნა ქარაია. საღამო წაიყვანა ამაგდარმა ქართველმა ემიგრანტმა ნინო ნემსაძემ. მონაწილეობდნენ კალაბრიაში მცხოვრები ხელოვანები: ნინო ფარულავა და მთვარისა აფულავა, ასევე იტალიელი გიტარისტი მიქელანჯელო ჯორდანო, საღამოში ჩართული იყო ფრანკო რეპაჩი. 

უცხო მიწაზე განსაკუთრებით იგრძნობა მონატრება ყველაფერი ქართულის  და ორი საათის განმავლობაში დარბაზში შეკრებილი ქართველი ემიგრანტები და მოწვეული სტუმრები ემოციებისაგან დაიცალა.

საღამოს დასრულების შემდეგ ყველა ერთხმად აღნიშნავდა რა დიდი მნიშვნელობა აქვს ქართული კულტურის და შემოქმედების საზღვარგარეთ წარდგენას. ემოციური იყო მომღერალიც. როგორც თავად კუსა ღადუამ აღნიშნა, ასეთი წარმატებული საღამოები კიდევ უფრო მეტ სტიმულს აძლევს თავისი შემოქმედების განვითარებისა და მსმენელითათვის სიახლეების შეთავაზებისთვის.

ბოლო ერთი წლის განმავლობაში ცენტრის ორგანიზებით ეს უკვე მეოთხე ქართული საღამო იყო რეჯო-კალაბრიაში. მანამდე წარმატებით ჩატარდა გიორგი სუხიტაშვილის, დუეტი "ლეონი"-ს და "ქართული სული-2023"-ის (გიორგი ჩიტაური, ედი ბერიძე, ვაჟა მძელური, პავლე ჩიტაური) კონცერტები. ასევე ცენტრისა და უშუალოდ ხათუნა ქარაიას ჩართულობით გასული წლის ნოემბერში გაიმართა იტალიელი ისტორიკოსის ფრანჩესკო ტრეჩის ახალი წიგნის "საქართველო" პრეზენტაცია. 

"ქართული კულტურის ცენტრი იტალიაში" მომავალშიც გააგრძელებს ემიგრანტების გახარებას და ბევრ ქართულ ღონისძიებას გეგმავს.