საფრანგეთი პუტინის ინაუგურაციაზე ელჩს გზავნის, გერმანია ცერემონიას ბოიკოტს უცხადებს - Reuters

 7 მაისს რუსეთში კრემლის ლიდერის ვლადიმერ პუტინის ინაუგურაციაზე საფრანგეთი თავის ელჩს გზავნის. ამის შესახებ Reuters-ი ინფორმირებულ წყაროზე დაყრდნობით იტყობინება.

გამოცემის ცნობით, გერმანიამ განაცხადა, რომ ცერემონიაზე არ იქნება წარმოდგენილი.

„პარიზის გადაწყვეტილება მიუთითებს პოტენციურ განხეთქილებაზე დასავლეთის ბანაკში რამდენიმე ქვეყანასთან, მათ შორის ბალტიის ქვეყნებთან, რომლებიც კატეგორიულად ეწინააღმდეგებიან პუტინისთვის რაიმე სახის ლეგიტიმურობის მინიჭებას.

„პუტინმა „რეკორდული“ გამარჯვება მოიპოვა პოსტსაბჭოთა სივრცეში. ძალაუფლება კიდევ უფრო მეტად გაიძლიერა. რუსეთის საპრეზიდენტო არჩევნების შემდეგ, პუტინის ყველაზე ცნობილი ოპონენტი, ალექსეი ნავალნი ციხეში გარდაიცვალა. დასავლეთში რუსეთის საპრეზიდენტო არჩევნებს „არადემოკრატიული“ უწოდეს. მედიასაშუალება.

საფრანგეთ-რუსეთის ურთიერთობები გაუარესდა ბოლო თვეებში, რადგან პარიზმა გააძლიერა მხარდაჭერა უკრაინის მიმართ. გასულ კვირას პრეზიდენტმა ემანუელ მაკრონმა არ გამორიცხა ჯარების გაგზავნა უკრაინაში... გერმანიამ განაცხადა, რომ არ გაგზავნის წარმომადგენელს პუტინის ინაუგურაციაზე“, - წერს გამოცემა.

პუტინის ინაუგურაცია
უკრაინის საგარეო საქმეთა სამინისტრო ოფიციალურად არ ცნობს რუსეთის ფედერაციაში ჩატარებული არჩევნების შედეგებს და მოუწოდებს ყველას პუტინის ინაუგურაციის იგნორირებას.

ევროპარლამენტარებმა მოუწოდეს ევროკავშირის წევრ ქვეყნებს და საერთაშორისო თანამეგობრობას, არ აღიარონ ლეგიტიმურად რუსეთის მიერ 2024 წლის 15-17 მარტს ჩატარებული ე.წ. საპრეზიდენტო არჩევნების შედეგები.