მზის ალერგია - რას გვირჩევენ სპეციალისტები?!

მზის ალერგია ვითარდება, სხეულის მზისგან დაუფარავ ადგილებში კანზე წითელი გამონაყარის სახით, რომელსაც ახლავს ქავილი.

ალერგოლოგიისა და იმუნოლოგიის ცენტრი ცენტრი საზოგადოებას სასარგებლო რჩევებს უზიარებს.

სპეციალისტების თქმით, ზოგიერთ ადამიანს აქვს მემკვიდრეობითი ტიპის მზის ალერგია, სხვებს კი სიმპტომები მხოლოდ მაშინ უვითარდებათ, როდესაც დამატებითად სხვა ფაქტორთან ერთად მზის მოქმედებით არის გამოწვეული - მაგალითად, მედიკამენტების მიღების და/ან კანზე ზოგიერთი მცენარის შეხებით და შემდეგ მზეზე ყოფნით.

როგორც ექიმები ამბობენ, მზის ალერგიის მსუბუქი შემთხვევები შეიძლება გაქრეს მკურნალობის გარეშე. უფრო მძიმე შემთხვევების მკურნალობა შეიძლება სტეროიდული კრემებით ან აბებით. ადამიანებს, რომლებსაც აქვთ მზეზე ძლიერი ალერგია, შესაძლოა დასჭირდეთ პრევენციული ზომების მიღება და მზისგან დამცავი ტანსაცმლის ტარება.
რისკის ფაქტორები:
• ნებისმიერ ადამიანს შეიძლება ჰქონდეს მზის ალერგია, მაგრამ ის უფრო ხშირია ღია კანის მქონე ადამიანებში.

• ნივთიერებები, რომლებიც პასუხისმგებელნი არიან ამ ტიპის რეაქციაზე, მოიცავენ სუნამოს, სადეზინფექციო საშუალებებსა და ზოგიერთ ქიმიურ ნივთიერებასაც კი, რომელებიც გამოიყენება მზისგან დამცავ საშუალებებში.

• ზოგიერთმა მედიკამენტმა შეიძლება გამოიწვიოს კანის მზის დამწვრობა უფრო სწრაფად. მათ შორის არიან: ტეტრაციკლინის ანტიბიოტიკები, სულფაზე დაფუძნებული წამლები, ტკივილგამაყუჩებლები, როგორიცაა კეტოპროფენი, ორალური კონტრაცეტპივები, სოკოს საწინააღმდეგო მედიკამენტები (ტერბინაფინი, იტრაკონაზოლი), კარდიალური საშულებები (მიოდარონი, ენალაპრილი), შარდმდენი პრეპარატები და სხვა.

• დერმატიტი ზრდის მზის ალერგიის რისკს.

• გენეტიკური ფაქტორი - უფრო სავარაუდოა, რომ მზეზე ალერგია გქონდეთ, თუ გყავთ და-ძმა ან მშობელი მზის ალერგიით.
 
 ასევე დაგაინტერესებთ:

🔵 36 წლის დიანა ბერიძის მკვლელობაში ბრალდებული ბერძენი ქირურგი დამნაშავედ ცნეს

🔵 გაგაფრთხილეთ tesla media სა და lyst ზე რომ ეს არის თაღლითობა - ათასობით მოთამაშემ ჩადებული ინვესტიცია ფაქტობრივად დაკარგა

🔵 საბერძნეთში დააკავეს 47 წლის ქართველი ქალი, რომელიც ხანდაზმულებს საძილე საშუალებებით აძინებდა და ძარცვავდა