რასაც არ უნდა დაგპირდნენ, ბიძინა მაინც გადაგაგდებთ - გია ხუხაშვილი

ხელისუფლება საუბრობს სახელმწიფო გადატრიალებაზე ხალხის მხრიდან,-ამის შესახებ, ფეისბუკის საკუთარ გვერდზე, პოლიტოლოგი გია ხუხაშვილი წერს. 
"სინამდვილეში, ამ ვითარებაში, ხალხი უნდა საუბრობდეს გადატრიალებაზე ხელისუფლების მხრიდან, რადგან მან დაარღვია საქართველოს კონსტიტუცია ევროკავშირში ჩვენი ინტეგრაციის საბოტირებით და შესაბამისად ხალხს არა თუ უფლება აქვს, არამედ ვალდებულია აღკვეთოს უკანონობა, აღადგინოს კონსტიტუციური წესრიგი, ხელისუფლების კონსტიტუციის ფარგლებში დაბრუნების იძულების, ან მისი ძალაუფლებიდან ჩამოშორების გზით.
ამ გზაზე ხალხი არ უნდა ესაუბრებოდეს ღარიბაშვილს, კობახიძეს, პაპუაშვილს და სხვებს. არ უნდა ითხოვდეს მათ გადადგომას, რადგან ამ ქვეყანაში, მისი გრძელვადიანი ინტერესების თვალსაზრისით, არ არსებობს პარლამენტი, მთავრობა, მმართველი პარტია.
არსებობს მხოლოდ ერთი ადამიანი - ბიძინა ივანიშვილი.
შესაბამისად, ზემოთ ჩამოთვლილი პერსონაჟები რასაც არ უნდა დაგპირდნენ, ბიძინა მაინც გადაგაგდებთ, თუ ჩრდილში დარჩა.
ამიტომ, ყველა პრეტენზია, მოთხოვნა, უნდა იყოს მიმართული მის მიმართ, უნდა ვაიძულოთ გამოვიდეს კულისებიდან, აიღოს პასუხისმგებლობა, პირადად ესაუბროს ხალხს კაპიტულაციის პირობებზე და პროცედურაზე, რადგან ხალხის დამარცხება შეუძლებელია",-წერს, გია ხუხაშვილი.

ასევე დაგაინტერესებთ:

🔵საქართველოს კათოლიკოს-პატრიარქი საქართველოს პრეზიდენტს შეხვდა

🔵ადამიანები, რომლებიც 2008 წელს წაგებულ ომს ზეიმობდნენ, დღეს საქართველოსთვის ევროპული პერსპექტივის ოფიციალურად აღიარებას გლოვობენ - ირაკლი კობახიძე

🔵როგორც გურულები იტყვიან — მშვიდობას გაუმარჯოს! დაე მუდამ იყოს მშვიდობა გინდ სტატუსით და გინდ მომავლის პერსპექტივით, მთავარია მშვიდობა! - გია შარაშენიძე