"უი, როგორ შეთხელებულან, ააა… ვიღაცების სახლებიდან ამოიღეს “მოლოტოვები”? ააა... მაშინ ოკ" - ლალი მოროშკინა "სირცხვილიას" ორგანიზებულ აქციას ეხმაურება

ჟურნალისტი ლალი მოროშკინა “სირცხვილიას” მიერ ორგანიზებულ აქციას, რომელიც რუსთაველის გამზირზე გაიმართა, ფეისბუკზე ეხმიანება:

"უი, როგორ შეთხელებულან,

ააა…ვიღაცების სახლებიდან ამოიღეს “მოლოტოვები”?

ააა…ვიღაცებს დაუყადაღეს ანგარიშები?

ააა…მაშინ ჰო…", - წერს მოროშკინა.

24 ივნისს, პარლამენტის წინ, მოძრაობა „სირცხვილიას“ მიერ ორგანიზებული აქცია „შინ ევროპისკენ“ გაიმართა.

აქციის მთავარ მოთხოვნად დასახელდა პრემიერ-მინისტრ ირაკლი ღარიბაშვილის გადადგომა და „ეროვნული თანხმობით“ შექმნა მთავრობის, რომელიც ევროკომისიის მიერ საქართველოსთვის განსაზღვრულ 12-ვე პირობას შეასრულებს.

23 ივნისს, ევროპულმა საბჭომ უკრაინის, საქართველოსა და მოლდოვის ევროპული პერსპექტივა აღიარა.

გარდა ამისა, საბჭომ უკრაინისა და მოლდოვისთვის კანდიდატი ქვეყნის სტატუსის მინიჭებაც გადაწყვიტა. ევროპული საბჭო მზადაა, საქართველოსაც მისცეს კანდიდატის სტატუსი მას შემდეგ, რაც ევროკომისიის დასკვნაში მითითებული პრიორიტეტები შესრულდება.

ევროკომისიის მიერ დასახელებულ 12 პრიორიტეტს/პირობას შორისაა დეოლიგარქიზაციის ვალდებულების შესრულება, პოლიტიკური პოლარიზაციის საკითხის მოგვარება, სასამართლო რეფორმის გატარება, ანტიკორუფციული სამსახურის გაძლიერება და მედია გარემოს გაუმჯობესება.

ასევე დაგაინტერესებთ:

* "შესაძლოა მიმდინარე აქციების ორგანიზატორებს, რაიმე შორსმჭვრეტელური გათვლა აქვთ, რასაც თუნდაც ჩემი ჩვეულებრივი მოკვდავის გონი ვერ აღიქვამს" - შალვა ნათელაშვილი

* "საქართველომ დაკარგაო, რომ ვთქვათ, რაღაც უნდა გვქონოდა, რომ დაგვეკარგა. საქართველოს არაფერი არ დაუკარგავს"