არჩილ გორდულაძე: კოლექტიურ „ნაცმოძრაობაში“ სევდამ დაისადგურა, მათი ნარატივი ეუთოს რეზოლუციის შემდეგ, რომ თითქოს საქართველო არის სრულ იზოლაციაში, წამიერად ჩამოშალა პრეზიდენტ ტრამპის წერილმა

 თეთრი სახლიდან თბილისში გამოგზავნილი წერილი უკვე შეფასდა მმართველ გუნდში.

საპარლამენტო უმრავლესობაში განმარტავენ, რომ ეს ამერიკა-საქართველოს შორის არსებული იდეური თანხვედრის კიდევ ერთი დასტურია.

პარლამენტის იურიდიულ საკითხთა კომიტეტის თავმჯდომარის არჩილ გორდულაძის განცხადებით, კოლექტიურ „ნაცმოძრაობაში“ სევდამ დაისადგურა, ვინაიდან, მისივე თქმით, მათი ნარატივი ეუთოს საპარლამენტო ასამბლეის რეზოლუციის შემდეგ, რომ თითქოს საქართველო არის სრულ იზოლაციაში, წამიერად ჩამოშალა აშშ-ის პრეზიდენტის, დონალდ ტრამპის წერილმა.

კოლექტიურ „ნაცმოძრაობაში“ სევდამ და ნაღველმა დაისადგურა, მათ გულებში ტკივილია, რადგან მათი ნარატივი ეუთოს საპარლამენტო ასამბლეის რეზოლუციის შემდეგ, რომ თითქოს საქართველო არის სრულ იზოლაციაში და არ ჰყავს საქართველოს არჩეული ხელისუფლება, წამიერად ჩამოშალა პრეზიდენტი ტრამპის წერილმა, რომელიც საქართველოს პრემიერ-მინისტრს მიმართავს და მოუთმენლად ელოდება ორ ქვეყანას შორის ურთიერთობის თვისებრივად სხვა ეტაპზე გადაყვანას.

ჩვენ ყველაფერს ვაკეთებდით და გავაკეთებთ, რომ ვიყოთ პირნათელი პირველ რიგში ქართველი ხალხის, საქართველოს ინტერესების წინაშე და შემდეგ, ყველა პარტნიორთან გვქონდეს თანასწორუფლებიანი ურთიერთობები. ახლა კი, მთელი მოცემულობა და ბურთი, მთლიანად ამერიკის შეერთებული შტატების მოედანზეა“, - აცხადებს არჩილ გორდულაძე.