ლევან მაჭავარიანი: ოპოზიცია ქუჩაში დარჩა და ახლა მათმა ნაწილმა არ იცის, არჩევნებში მონაწილეობა მიიღოს თუ არა

„ოპოზიცია ქუჩაში დარჩა და ახლა მათმა ნაწილმა არ იცის, არჩევნებში მონაწილეობა მიიღოს თუ არა. ეს ყველაფერი მაინც ისე დალაგდება, როგორც გარე უფროსები ჩამოყალიბდებიან“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

მისი თქმით, სამწუხაროდ, დღეს ისეთი ამომრჩეველიც რჩება, ვისაც აღქმული არ აქვს, რომ „ლელო“ და გახარია ზუსტად ისეთივე ძალაა, როგორც კოლექტიური „ნაცმოძრაობა“.

„ოპოზიცია მძიმე მდგომარეობაშია, თავისი თავი ჩიხში შეიყვანეს, ქუჩაში არიან დარჩენილი. ეს ყველაფერი მათი გარე პატრონების გათვლების შედეგია, რადგან ისინი თვლიდნენ, რომ „ქართულ ოცნებას“ წნეხის პირობებში კომპრომისების მიმართულებით გადაადგმევინებდნენ ნაბიჯებს, როგორც ეს 2020 წელს მორჩა.

ოპოზიცია ქუჩაში დარჩა და ახლა მათმა ნაწილმა არ იცის, არჩევნებში მონაწილეობა მიიღოს თუ არა. ეს ყველაფერი მაინც ისე დალაგდება, როგორც გარე უფროსები ჩამოყალიბდებიან.

როგორც ჩანს, არჩევნებზე ფსონს „ლელოსა“ და გახარიას პარტიაზე დებენ, რადგან „ნაციონალური მოძრაობა“ როგორც ბრენდი გაცვეთილი და სამარცხვინოა, მასზე ფსონს აღარ დებენ.

სამწუხაროდ, დღეს ისეთი ამომრჩეველიც რჩება, ვისაც აღქმული არ აქვს, რომ „ლელო“ და გახარია ზუსტად ისეთივე ძალაა, როგორც კოლექტიური „ნაცმოძრაობა“.

რა კონფიგურაციით გამოვლენ, მალე გამოჩნდება, რადგან დავალებებიც მალე იქნება. ჩვენ ნებისმიერი კონფიგურაციისთვის მზად ვართ“, - აღნიშნა ფრაქცია „ქართული ოცნების“ თავმჯდომარის მოადგილემ.