ლევან მაჭავარიანი ბაჩიაშვილის დაკავებაზე: კანონდამრღვევები ჩვენს ქვეყანაში პასუხისმგებლობას ვერასდროს ვერ გაექცევიან

ფრაქცია „ქართული ოცნების“ თავმჯდომარის მოადგილის ლევან მაჭავარიანის განცხადებით, ამ ქვეყანაში სამართალდამრღვევები პასუხისმგებლობას ვერ გაექცევიან.

დეპუტატის თქმით, კონკრეტული ორგანოები კანონის აღსრულებას ახერხებენ უმაღლესი სტანდარტით.

„სამართალდამცავი უწყებების მიერ ძებნილი ბატონი ბაჩიაშვილის დაკავება, რომელსაც 11 წლიანი პატიმრობა აქვს მისჯილი, არის კიდევ ერთი ნათელი მაგალითი და დადასტურება იმისა, რომ საქართველო შედგა, როგორც სამართლებრივი სახელმწიფო.

სახელმწიფო უსაფრთხოების სამსახურის მიერ, ამ სპეცოპერაციის [ბაჩიაშვილი დაკავება] ასეთ მაღალ დონეზე ჩატარება, რა თქმა უნდა, იმაზე მეტყველებს, რომ სამართლებრივი სახელმწიფოს კონკრეტული ორგანოები მოქმედებენ ძალიან მაღალი სტანდარტით და კანონის აღსრულებას ახერხებენ უმაღლესი სტანდარტით. ამის თვალსაჩინო მაგალითია და ყველამ იხილა ის, რომ ბატონ ბაჩიაშვილს ერთი თმის ღერი არ ჩამოვარდნია ამ სპეცოპერაციის შედეგად. ეს ყველასთვის ნათელი მაგალითია, რომ კანონდამრღვევები ჩვენს ქვეყანაში პასუხისმგებლობას ვერასდროს ვერ გაექცევიან“, - აღნიშნავს ფრაქცია „ქართული ოცნების“ თავმჯდომარის მოადგილე.

შეგახსენებთ, სახელმწიფო უსაფრთხოების სამსახურმა გიორგი ბაჩიაშვილი დააკავა.