"თავმდაბლობა ჩემმა მშობლებმა მასწავლეს, ასე გავიზარდე. არ მიყვარს ისეთი ადამიანები, რომლებიც აზვიადებენ და ბევრს ლაპარაკობენ" - ხვიცა კვარაცხელიას ინტერვიუ "კორიერე დელო სპორტთან"

ნაპოლიში სეზონის დიდებული დასაწყისის შემდეგ ხვიჩა კვარაცხელია იტალიურ საფეხბურთო სამყაროში ერთ-ერთი ყველაზე მთავარი სასაუბრო თემაა. ამჯერად, 21 წლის ქართველ ფეხბურთელთან ინტერვიუ ცნობილი გაზეთის "კორიერე დელო სპორტის" დღევანდელ ნომერში გამოქვეყნდა.

ხვიჩამ ბევრ თემაზე ისაუბრა, უმეტესად საკუთარ თავსა და ნაპოლის შესახებ, როგორც მან თქვა, არც მას და არც კლუბს ზღვარი არ აქვთ და ყოველთვის მაქსიმუმის გაკეთებაზე ფიქრობს:

...ნაპოლის შეფასება ქულით: "ადვილია - 10 ქულა! ეს არის ძალიან ძლიერი მოთამაშეებით სავსე გუნდი. თუ ასე გავაგრძელებთ, შეგვიძლია იმაზე მაღალ მიზნებს მივაღწიოთ, ვიდრე ყველა ფიქრობს. ჩემთვის ყველა ტიტული, ყველა გამარჯვება ოცნებაა. ამსტერდამში მაგიური გამარჯვება იყო, მაგრამ ჯერ კიდევ ბევრი გვაქვს სამუშაო, ყოველთვის მეტზე უნდა ვიფიქროთ".

...ლუჩანო სპალეტის შესახებ: "მან ბევრი რამ მითხრა. მას პირველად მილანში, თავის სახლში შევხვდი. ის მართლაც დიდებული მწვრთნელია, ძალიან, ძალიან კარგი. მეუბნება, რას ვაკეთებ სწორად და რას - არასწორად. მეხმარება გაუმჯობესებაში, ნამდვილი მაესტროა. კვარამანია? სასიამოვნოა, რომ ყველა ასე ფიქრობს, მაგრამ სწორედ ამ მოტივით როცა ვთამაშობ, მაქსიმალურად ვიხარჯები, მაქსიმუმზე მეტის გაკეთებასაც ვცდილობ".

...კვარადონა თუ კვარავაჯო: "არ ვიცი, მართლა არ ვფიქრობ ამაზე და არც მინდა ვიფიქრო, ეს არ შეიძლება. მარადონა ძალიან დიდია, ყველაფერზე დიდი. მე ჩემი "კვარაც" მომწონს".

...თავმდაბლობა: "ეს ჩემმა მშობლებმა მასწავლეს, ასე გავიზარდე. არ მიყვარს ისეთი ადამიანები, რომლებიც აზვიადებენ და ბევრს ლაპარაკობენ. მხოლოდ ის ვიცი, რომ მაქსიმუმი უნდა გავაკეთო, მერე ხალხი შეაფასებს, კარგი იყო თუ არა".

ასევე დაგაინტერესებთ:

🔵საბერძნეთში, ემიგრაციაში მყოფი კიდევ ერთი ქართველი გარდაიცვალა

🔵„სიძნელის და სიმძიმის გამო არ ვიცი როგორ ვთქვა, როგორ დავწერო... ალბათ ბევრს გაინტერესებთ მის შემდეგ ჩვენი ყოფა როგორია..." - რამაზ დავლაძის წერილი, რომელსაც ბათუმში საცხოვრებელი კორპუსის ჩამონგრევის შედეგად მეუღლე, ორი შვილი და ძმა დაეღუპა

🔵თბილისში, 40 წლის ქალის მკვლელობაში ბრალდებული 20 წლის ირანის მოქალაქეა, რომელიც პოლიციამ ცხელ კვალზე დააკავა