რომელია იტალიის ყველაზე კრიმინალური ქალაქი?

სტატისტიკის მიხედვით თუ განვსაზღვრავთ, მილანი კიდევ ერთხელ დასახელდა იტალიის ყველაზე კრიმინალურ ქალაქად. მეორე და მესამე ადგილებს, ბოლონია და რიმინი ინაწილებენ, ხოლო ყველაზე უსაფრთხო ქალაქი ორისტანია (სარდინია).

არც ისე სახარბიელოა მდგომარეობა ქალაქ პრატოშიც, მაგრამ ქვეყნის თითქმის ოცივე რეგიონის დიდ ქალაქებში მდგომარეობა კრიტიკულია.

ფლორენციაში გასულ 2020 წელთან შედარებით, მაჩვენებელი ცოტა გაუმჯობესებულია.

რაც შეეხება პადოვას, აქ განსაკუთრებით ნარკოტიკებთან დაკავშირებული კრიმინალი ყვავის. პარმა  მაღაზიების ძარცვის ფაქტებით გამოირჩევა.

კრიმინალური შემთხვევების ნამდვილი ბუმი დაფიქსირდა ინტერნეტსივრცეში - 800 შემთხვევა დღეში, მიმდინარე წლის პირველ ნახევარში დაფიქსირებული კრიმინალის ფაქტების რაოდენობის მიხედვით, ინტერნეტკრიმინალს მოსდევს ძალადობა, მუქარა და ნარკოკრიმინალი .

„ლოკდაუნის“ დასრულების შემდეგ, ბინის ქურდობის ფაქტებმაც საგრძნობლად იმატა, +35%, ხოლო მოტოციკლების და ავტომობილების ქურდობა 16 პროცენტით გაიზარდა. რაც შეეხება სექსუალურ ძალადობას, აქაც მკვეთრი ზრდაა +18%, დღეში საშუალოდ 13 შემთხვევა. ასევე მომატებულია ქუჩის გარჩევებისა და ჩხუბის ფაქტები, დღეში საშუალოდ 224 შემთხვევა. 

წყარო: ansa.it

მოამზადა ნინა მამუკაძემ

აგრეთვე დაგაინტერესებთ:

🔴 "ბადანტე" სამსახურიდან ალკოჰოლის მიღების გამო დაითხოვეს

🔴 იტალიის კუნძულ სიცილიის მოსახლეობა საფრთხეშია