იტალიის კუნძულ სიცილიის მოსახლეობა საფრთხეშია

ეტნამ ისევ გაიღვიძა. ბოლო პერიოდში ეს ვულკანის ყველაზე დიდი ამოფრქვევაა, რომელსაც გარდა ფერფლისა, მცირე ფორმის ქვების მასის ამოტყორცნაც მოჰყვა, რომელიც სპეციალისტების განცხადებით, ვულკანის ერთ-ერთი შიდა კედლის ჩამოშლით დაგროვდა.

2020 წლის დეკემბრიდან მოყოლებული, ვულკანის მოქმედების ფაქტი მესამოცედ დაფიქსირდა. ამჯერად, ყველაზე დიდი საფრთხის წინაშე ტაორმინა დადგა. სწორედ ტაორმინას მიმართულებით გადატყორცნა ხრეშის მასა ძლიერმა ქარმა. ხოლო აღმოსავლეთით, კატანიის პროვინცია მასკალიმდე მიაღწია.

აღნიშნული შემთხვევით განსაკუთრებულად დაზარალდნენ ლინგუალოსას და პიედიმონტე ეტნეოს მიმდებარე ტერიტორიები. ამ ეტაპზე ფერფლის კიდევ ერთი კოლონა ძლიერ ქარს ჩრდილო-დასავლეთითაც მიაქვს.

ფერფლის რაოდენობის გამო, განგაში გამოცხადდა. იტალიის გეოფიზიკისა და ვულკანოლოგიის ეროვნული ინსტიტუტის განცხადების თანახმად, მიუხედავად ცუდი მეტეოროლოგიური პირობებისა, ისინი ახერხებენ სიტუაციის მონიტორინგს Hi-tech-ის დანადგარების მაღალტექნოლოგიური ქსელის საშუალებით. ასევე, ეტნას მიმდებარე ტერიტორიაზე იმყოფება ვულკანოლოგთა ჯგუფი, რომელიც ადგილზე ახდენს ვულკანის ანალიზს. ამ ტიპის ამოფრქვევას, დროში ხანგრძლივობა და არასტაბილურობა ახასიათებს. შესაძლოა ყოველ ჯერზე შეიცვალოს სიხშირე და სიმძლავრე

ყოველი მომდევნო ამოფრქვევა, მოსახლეობას საფრთხის წინაშე აყენებს და ფერფლის რაოდენობა მათ ყოველდღიურ საქმიანობას აფერხებს. მთავრობა დიდ თანხებს ხარჯავს დასახლებების, გზების, მოედნების, სახელმწიფო დაწესებულებების ფერფლისგან გაწმენდაში. პროცესში მუდმივად ჩართულია ადგილობრივი მოსახლეობაც.

წყარო: corriere.it