ნიკოლოზ ყიფშიძე: არ მინახავს მე ფაფა. ჰკითხეთ ბადრაგს, ჰკითხეთ ციხის ექიმებს, ექთნებს, ყველგან კამერებია იქ

რუსთავის მე-12 პენიტენციური დაწესებულება საქართველოს მესამე პრეზიდენტის პირადმა ექიმმა ნიკოლოზ ყიფშიძემ, რამდენიმე წუთის წინ დატოვა.

ყიფშიძემ მედიასთან ექსპრეზიდენტის ჯანმრთელობის მდგომარეობის შესახებ ისაუბრა და აღნიშნა, რომ სააკაშვილთან ციხეში ოფთალმოლოგის, ოტორინოლარინგოლოგის და კარდიოლოგის გამოძახება სჭირდებათ.

"პრეზიდენტის ჯანმრთელობის მდგომარეობა საკმაოდ რთულია.

ახლა იყო კიდევ ერთი კონსილიუმი დანიშნული, იყო ნევროპათოლოგი და კრიტიკული მედიცინის სპეციალისტი.

ჩავატარეთ კონსილიუმი და აღმოჩნდა, რომ საჭიროა კიდევ სამი სპეციალისტის გამოძახება -  ოფთალმოლოგის, ოტორინოლარინგოლოგის და კარდიოლოგის.

პრობლემა უფრო და უფრო რთული ხდება.

ნამდვილად არ ვიცი ამ ორგანიზაციაში როგორ გავაგრძელოთ მკურნალობა?

აღმოჩნდა რომ არის პრობლემა, სინუსიტი - ანთება", - განაცხადა ყიფშიძემ.

მედიის კითხვაზე, რა უპასუხებდა იუსტიციის მინისტრის განცხადებას, რომლის თანახმადაც მიხეილ სააკაშვილი ფაფებს და ნატურალურ წვენებს იღებს, ნიკოლოზ ყიფშიძემ განმარტა:

"არ ვიცი, რა უნდა ვუპასუხო იუსტიციის მინისტრს. არ მინახავს მე ფაფა. ჰკითხეთ ბადრაგს, ჰკითხეთ ციხის ექიმებს, ექთნებს. ბევრი ხალხია, ყველგან კამერებია იქ", – დასძინა მან.

ასევე დაგაინტერესებთ:

🔵 "არჩევნებზე ხმა მივცეთ ვისაც გვსურს ... არ ვეთანხმებოდეთ ერთმანეთს რიგ საკითხებში, მაგრამ ადამიანის სიცოცხლის გადასარჩენად, ადამიანურობა შევძლოთ" - ნიაზ დიასამიძე

🔵 რატი ბრეგაძე: მიხეილ სააკაშვილი სხვადასხვა სახის ფაფებს და ნატურალურ წვენებს იღებს, ამის მყარი მტკიცებულებები გაგვაჩნია

🔵 "არ გაუწიოთ სამედიცინო დახმარება მთავრობის მაღალჩინოსნებს, მოქმედ პრეზიდენტს, პრემიერს, მინისტრთა კაბინეტს..." - საქართველოს კლინიკების ასოციაციის პრეზიდენტის მიმართვა მედიკოსებს