ევროპარლამენტმა 529 ხმით 45-ის წინააღმდეგ მხარი დაუჭირა რეზოლუციას უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების შესახებ

"ევროკავშირის ლიდერებმა უნდა შეასრულონ ისტორიული პასუხისმგებლობა და პოლიტიკური სიგნალი მისცენ უკრაინას, მოლდოვას და საქართველოს, მათი ევროპული პერსპექტივის დადასტურებით", – ამის შესახებ ნათქვამია რეზოლუციაში, რომელიც ევროპარლამენტმა 529 ხმით მიიღო.

რეზოლუციის წინააღმდეგ ხმა მისცა 45-მა, 14-მა კი თავი შეიკავა.

რეზოლუცია მოუწოდებს ევროპული საბჭოს სამიტში მონაწილე სახელმწიფოების მეთაურებს, მიანიჭონ ევროკავშირის წევრობის კანდიდატის სტატუსი უკრაინას და მოლდოვას „დაუყოვნებლივ“.

რეზოლუციის თანახმად, სამიტში მონაწილე სახელმწიფოები ანალოგიურად უნდა მოიქცნენ საქართველოსთან მიმართებაში მას შემდეგ, რაც საქართველოს მთავრობა ევროკომისიის მიერ მითითებულ პრიორიტეტებს შეასრულებს.

რეზოლუცია ხაზს უსვამს, რომ გაფართოებას ალტერნატივა არ აქვს, რომელიც როგორც არასდროს გეოსტრატეგიული ინვესტიციაა სტაბილურ, ძლიერ და ერთიან ევროკავშირში.

ამასთან, ევროპარლამენტის გვერდზე გამოქვეყნებულ ინფორმაციაში ვკითხულობთ:

"საქართველო უნდა გახდეს კანდიდატი ქვეყანა, როგორც კი შეასრულებს საჭირო რეფორმებს;

დაჩქარებული წესით ევროკავშირში მიღება არ მოხდება;

გაწევრიანება მოხდება მხოლოდ დამსახურების საფუძველზე და აუცილებელი კრიტერიუმების შესრულების შემდეგ;

ევროკავშირის გაფართოება ევროკავშირის ინტერესში შედის".

ასევე დაგაინტერესებთ:

* სტიქიამ ზუგდიდის ბოტანიკურ ბაღში, მრავალწლოვანი ხეები წააქცია - ბაღი ვიზიტორებისთვის დროებით დაიკეტა

* მომღერალი იური შატუნოვი მოულოდნელად გარდაიცვალა