გიორგი შაქარაშვილის მკვლელობაში მსჯავრდებულთა გამამტყუნებელი განაჩენი სააპელაციომ უცვლელად დატოვა

თბილისის სააპელაციო სასამართლომ უცვლელად დატოვა გიორგი შაქარაშვილის მკვლელობაში მსჯავრდებულთა მიმართ გამოტანილი გამამტყუნებელი განაჩენი. - ინფორმაციას ამის შესახებ საქართველოს პროკურატურა ავრცელებს.

მათივე ცნობით, თბილისის სააპელაციო სასამართლომ სრულად გაიზიარა პროკურატურის მიერ წარდგენილი მტკიცებულებები, არ დააკმაყოფილა გიორგი შაქარაშვილის მკვლელობაში მსჯავრდებულთა სააპელაციო საჩივრები და უცვლელად დატოვა მცხეთის რაიონული სასამართლოს გამამტყუნებელი განაჩენი.

როგორც განცხადებაშია ნათქვამი, სააპელაციო ინსტანციაში პროკურატურის მიერ წარდგენილი მტკიცებულებებით კიდევ ერთხელ დადასტურდა, რომ სწორედ მსჯავრდებულებმა 2020 წლის 18 ივნისს, გვიან ღამით, მცხეთაში მდებარე აგარაკზე მომხდარი დაპირისპირების გამო, შურისძიების მოტივით მდინარე არაგვის ნაპირთან სასტიკად სცემეს გიორგი შაქარაშვილი  და გადააგდეს მდინარეში, რის შედეგადაც ეს უკანასკნელი გარდაიცვალა.

"აღნიშნული პირები მსჯავრდებულნი არიან სისხლის სამართლის კოდექსის 109-ე მუხლის მეორე ნაწილის „ე“ ქვეპუნქტით, რაც გულისხმობს დამამძიმებელ გარემოებებში - ჯგუფურად ჩადენილ განზრახ მკვლელობას.
სასამართლომ სამ პირს სასჯელის სახით 16-16 წლით თავისუფლების აღკვეთა, ხოლო  ორ პირს, როგორც არასრულწლოვნებს, 10 წლით და 6 თვით თავისუფლების აღკვეთა განუსაზღვრა.", - წერია პროკურატურის მიერ გავრცელებულ განცხადებაში.

ასევე საინტერესოა:

🔵 “ჩემი ოჯახი, ჩემს ეზოში ფეხშიშველი სიარული მენატრება” - ემიგრანტი ჟურნალისტი იტალიიდან

🔵 "ვატიკანში გალობით, ზოგის თქმით - ევროპაში შევედით - ზოგმა გააკრიტიკა... ჩამოვყალიბდეთ, ევროპაში ვართ, თუ ცოდვაში…"

🔵 "ზებრაზე კინაღამ მანქანამ გამიტანა - საჭიდან მონაზონმა ღვთისნიერი ხმით მომიგო – უფალი გფარავდესო. ახლაც გიჟივით ვიცინი"