ჯორჯ ლუკაიდესი: მოვუწოდებთ საქართველოს ოპოზიციას, რაც შეიძლება სწრაფად დაიკავონ თავიანთი ადგილები პარლამენტში, პატივი სცენ თავიანთ მანდატებს

 „მოვუწოდებთ საქართველოს ოპოზიციას, რაც შეიძლება სწრაფად დაიკავონ თავიანთი ადგილები პარლამენტში“, - ამის შესახებ პოლიტიკური ჯგუფის, „გაერთიანებული ევროპული მემარცხენეების“ წარმომადგენელმა ჯორჯ ლუკაიდესმა ევროსაბჭოს საპარლამენტო ასამბლეაზე სიტყვით გამოსვლისას განაცხადა.

პოლიტიკური ჯგუფის, „გაერთიანებული ევროპული მემარცხენეების“ წარმომადგენელმა საქართველოს ოპოზიციას მოუწოდა, რომ პატივი სცენ თავიანთ მანდატებს და წარმოადგინონ თავისი ამომრჩევლები პარლამენტში.

„ჩვენ მოვუწოდებთ საქართველოს დელეგაციას, კეთილსინდისიერად  გააგრძელოს მუშაობა ევროსაბჭოს საპარლამენტო ასამბლეის მომხსენებლებთან და დაუყოვნებლივ შეასრულოს რეზოლუციაში ნახსენები ყველა გადაუჭრელი საკითხი, რომელიც უკავშირდება ჩვენს ღირებულებებსა და პრინციპებს. კერძოდ, ადამიანის უფლებებს, დემოკრატიას და კანონის უზენაესობას.

ამავდროულად, მოვუწოდებთ საქართველოს ოპოზიციას, რაც შეიძლება სწრაფად დაიკავონ თავიანთი ადგილები პარლამენტში, პატივი სცენ თავიანთ მანდატებს და წარმოადგინონ თავისი ამომრჩევლები. ეს უზრუნველყოფს მათ წარმომადგენლობას ამ ასამბლეაში, რაც საშუალებას მისცემს ყველა წევრს, აქტიურად შეიტანოს წვლილი ასამბლეის მუშაობაში და ხელს შეუწყობს დიალოგს ოპოზიციასა და მმართველ უმრავლესობას შორის. 

„გაერთიანებული ევროპული მემარცხენეები“ მოვუწოდებთ საქართველოს მთავრობას და საპარლამენტო კოალიციაში მყოფ ოპოზიციას, იპოვონ არსებული ჩიხური მდგომარეობიდან გამოსავალი. ჩვენ გთავაზობთ, ეს საკითხი განვიხილოთ აპრილის სესიაზე და მანამდე მხარს ვუჭერთ საქართველოს დელეგაციის უფლებამოსილების რატიფიცირებას“, - აღნიშნავს ჯორჯ ლუკაიდესი.