"მაღალი ცხელება, თავის ტკივილი, ღებინება" - ციციშვილის კლინიკში ბოლო 24 საათში, 35-ი კოვიდინფიცირებული ბავშვი მოათავსეს

ციციშვილის სახელობის ბავშვთა კლინიკის დირექტორი დავით რეხვიაშვილი აცხადებს, ბოლო 24 საათში კლინიკას 35-მა პაციენტმა მიმართა და აღნიშნა, რომ აქამდე საშუალოდ მომართვიანობა დღეში 7-8 პაციენტს შეადგენდა.

რაც შეეხება ვაქცინირებულ პაციენტებს, რეხვიაშვილის თქმით, არც ერთი ვაქცინირებული ბავშვი კლინიკაში არ მკურნალობს.

"კლინიკაში ჯერ ადგილების საშუალება არის, თუმცა თითქმის სრულად დატვირთული ვართ.

დატვირთვა განსაკუთრებით გაიზარდა ინტენსიური თერაპიის განყოფილებაში, სადაც 20-ზე მეტი პაციენტი მკურნალობს და შესაბამისად, იქ რესურსი უკვე ამოწურული გვაქვს.

რაც შეეხება პაციენტების მდგომარეობას, უმეტესობა არის საშუალო სიმძიმის.

ინტენსიურ თერაპიის განყოფილებაში უფრო მძიმე პაციენტები მკურნალობენ.

ძირითადი გამოვლინება არის მაღალი ცხელება, თავის ტკივილი, გულისრევა, ღებინება, რესპირაციული ნიშნები.

მოგვმართავენ ასევე ქრონიკული დაავადებებით, დიაბეტით და სხვა ქრონიკული დაავადებებით, რომელიც კოვიდმა უფრო გაუმწვავა.

ვაქცინაცია იცავს ჰოსპიტალიზაციისგან და ალბათ ეს არის მიზეზი, რატომ არ გვყავს კლინიკაში ვაქცინირებული ბავშვები.

გვყავს ვაქცინირებული 18 მშობელი, მათთან დაავადება ან არ არის, ან ძალიან მსუბუქი სიმპტომებით მიდის, რაც ასევე მეტყველებს, რომ ვაქცინაციას თავისი ეფექტი აქვს.

ჩვენთან მცირე რაოდენობით კიდევ დარჩენილია არა კოვიდსაწოლები, რომლებიც სრულად გადატვირთულია და მოთხოვნა მაღალი იყო.

არიან ბავშვები ბრონქიოლიტებით, რომელიც არა კოვიდ ვირუსულმა ინფექციამ გამოიწვია და სხვა ქირურგიული და არაქირურგიული პათოლოგიები, თუმცა იქ ჩვენი რესურსი გაცილებით უფრო მწირია.

ამიტომ გვიწევს ასეთი ტიპის პაციენტებისთვის უარის თქმა", – განაცხადა კლინიკის დირექტორმა.

სხვა სიახლეები:

🔳 "თუ ვერ მოვახერხებთ ყველა ადამიანის ვაქცინაციას, ჩვენ შევქმნით ახალ ვარიანტებს" - გაეროს გენერალური მდივნის გაფრთხილება მსოფლიოს

🔳 ამირან გამყრელიძე: არ უნდა გავთამამდეთ, "ომიკორნიც" იწვევს გართულებას და დამძიმებას

🔳 ნინა კობახიძე: იმ ქვეყანაში ვცხოვრობთ, სადაც 70% აუცრელი და რისკის მატარებელია - ისევ აცრილები გავუფრთხილდეთ მათ სიცოცხლეს