უკრაინამ კანდიდატი ქვეყნის სტატუსი მიიღო, თქვენ ამ გზაზე ხართ - იარეთ, ჩვენ დაგეხმარებით! -ვოლოდიმირ ზელენსკი

გუშინ, უკრაინამ ევროკავშირში გასაწევრიანებლად კანდიდატი ქვეყნის სტატუსი მიიღო, თქვენ ამ გზაზე ხართ. იარეთ - ჩვენ დაგეხმარებით! - ამ სიტყვებით საქართველოს პარლამენტთან მიმდინარე აქციის მონაწილეებს უკრაინის პრეზიდენტმა ვოლოდიმირ ზელენსკიმ მიმართა.

ზელენსკიმ რამდენიმე ფრაზა ქართულ ენაზეც წარმოთქვა. კერძოდ, საქართველოს მოქალაქეებს ქართულად აღნიშნული მესიჯი გამოუგზავნა: „უკრაინა და საქართველო ერთად, მუდამ“!

„გამარჯობა საქართველო. მინდა, რომ დღეს ჩემი ყველამ გაიგოს, ჩვენ თავისუფალი ადამიანები და თავისუფალი ქვეყნები ვართ და ეს სამუდამოა. მადლობელი ვარ საქართველოს შვილების, რომლებიც ჩვენს მებრძოლებთან ერთად რუსების წინააღმდეგ იბრძვიან. მათი წარმატება ჩვენი საერთო წარმატებაა, მათი ჭრილობა ჩვენი ჭრილობაა და ჩვენი გამარჯვება თითოეული მათგანის გამარჯვება იქნება, ასევე ყოველი თქვენგანის. ჩვენ არასდროს დავნებდებით, რადგან დონბასი და ყირიმი ჩვენი მიწაა, ისევე როგორც აფხაზეთი და სამხრეთ ოსეთია თქვენი. თუ ვინმეს უნდა ეს დაივიწყოს, თუ ვინმეს უნდა ეს წაშალოს, აუცილებლად შევახსენებთ, ჩვენ თქვენთან ვიქნებით. გუშინ უკრაინამ ევროკავშირში გასაწევრიანებლად კანდიდატი ქვეყნის სტატუსი მიიღო, თქვენ ამ გზაზე ხართ. იარეთ - ჩვენ დაგეხმარებით! უკრაინა და საქართველო ერთად, მუდამ! დიდება საქართველოს, დიდება უკრაინას, მართალია, ჩემი ქართული იდეალური არ არის, თუმცა, ჩემი გრძნობა თქვენს მიმართ გულწრფელია. წარმატებას გისურვებთ! დიდება უკრაინას!“, - განაცხადა ზელენსკიმ.

ასევე დაგაინტერესებთ:

🔵სამოქალაქო საზოგადოება ირაკლი ღარიბაშვილის გადადგომას და ეროვნული თანხმობის მთავრობის შექმნას ითხოვს, რისთვისაც ხელისუფლებას 1-კვირიან ვადას აძლევს

🔵თბილისში ბიზნესმენი ლევან კაჭარავა მოკლეს - მას სავარაუდოდ, 20 ტყვია ესროლეს

🔵რასაც არ უნდა დაგპირდნენ, ბიძინა მაინც გადაგაგდებთ - გია ხუხაშვილი