„მოწოდება, „გაიფიცე“, „წამოდი სამსახურიდან“ რას ემსახურება? - ვინ უზრუნველყოფს გაფიცული საჯარო მოხელეების ყოველდღიურ არსებობას?!“ - რას წერს მსახიობი ქეთი წიქვაძე

მსახიობი ქეთი წიქვაძე, რომელიც პოპულარული სერიალ „ჩემი ცოლის დაქალებიდან“ გახდება სოციალურ ქსელში სტატუსს აქვეყნებს და ქვეყანაში მიმდინარე მოვლენებს ეხმაურება.

იგი საზოგადოებას მიმართავს, არ იყვნენ მათივე ქვეყნის და მოქალაქის მტერი. ასევე მიმართავს აქციის იმ მონაწილეებს, რომლებიც საზოგადოებას გაფიცვისკენ მოუწოდებენ. 

„თანადგომის, სოლიდარობის და გაერთიანების მოთხოვნა გასაგები და მისაღებია, თუ ეს არ ცდება თხოვნის ნორმებს და არ გადადის ბულინგში და ძალადობაში..

მაგრააააამ!

მოწოდება,- „გაიფიცე",- „წამოდი სამსახურიდან“...- ეს რას ემსახურება? ვინ უზრუნველყოფს გაფიცული საჯარო მოხელეების ყოველდღიურ არსებობას?

რომელიმე თქვენგანი იღებთ პასუხისმგებლობას, რომ მაგალითად სატრანსპორტო მძღოლების, ან სანიტარიული მომსახურების თანამშრომლების ოჯახებს აჭმევთ და მათ შვილებს უზრუნველყოფთ?

შემდეგ რას ჰპირდებით ამ ადამიანებს, რა ვაკანსიას სთავაზობთ??? წარმოუდგენელია ასეთი ზეწოლა მოქალაქეებზე, რომელზეც ნული პასუხისმგებლობა გაქვს!

ძალადობა იგმობა როგორც ფიზიკური, ისე ფსიქოლოგიური და მორალური!  თუ პატრიოტი ხარ, იბრძოლე სწორედ,
არ შეუშალო ცხოვრება სხვას და არ შეაშლევინო ხელი მტერს!

ნუ იქნები შენივე ქვეყნის და მოქალაქის მტერი!

მშვიდობა ჩვენს საქართველოს, რომელიც ყოველთვის გაიმარჯვებს და არასდროს გადაუხვევს მარცხნივ!!!“, - წერს  ქეთი წიქვაძე.