სტადიონზე ხალხი კვარაცხელიას მსგავსი ფეხბურთელების სანახავად დადის - დრის მერტენსი

Gazzetta dello Sport-თან ისაუბრა „ნაპოლის“ყოფილმა ფეხბურთელმა, დრის მერტენსმა, რომელმაც აღნიშნა, რომ „ნაპოლი“ მისი სახლია და სურს, რომ ერთ დღესაც იქ დაბრუნდეს.

ფეხბურთელმა ინტერვიუში ხვიჩა კვარაცხელიაზეც ისაუბრა.

როგორც „ნაპოლის“ და ბელგიის ნაკრების ყოფილმა შემტევმა აღნიშნა, კვარაცხელიასნაირი ფეხბურთელების სანახავად დადის ხალხი სტადიონზე.

„მე ნეაპოლში ცხოვრება მსურს. მენატრება ჩემი სახლი, ისევე როგორც, ჩემი ყოველდღიური ცხოვრების გარკვეული ასპექტები. მე იქ გარეთ მანქანის გარეშე გავედი, გავისეირნე ქალაქში და ხალხთან ერთად ვისადილე. საკუთარ თავს ბელგიელად ვგრძნობ თუ ნეაპოლელად? ჩემი ცოლი ამას ხშირად მეკითხება. როცა ბელგიაში ვბრუნდები, ისევე როგორც სტამბოლში, ქუჩაში ვსეირნობ და თავს ნეაპოლელად ვგრძნობ. ჩემს შვილს, ჩიროსაც ნამდვილად ნეაპოლელად ვზრდი.

არ ვიცი, რა გახდა გასულ სეზონში „ნაპოლის“ წარუმატებლობის მიზეზი, შესაძლოა, ჩემპიონობა ძალიან დიდხანს იზეიმეს (იღიმის). ამ შემთხვევაში ყველაფერი გასაგები იქნებოდა, ასეთი მოვლენა აღფრთოვანებას იწვევს, მაგრამ უნდა იცოდე, როგორ მართო სიტუაცია.

კვარაცხელია თუ მომწონს? ვის არ მოსწონს? ხალხი სტადიონზე მისნაირი ფეხბურთელების სანახავად მიდის. ძალიან სანახაობრივი ფეხბურთელია და 2023 წლის სკუდეტოც დიდწილად მისი დამსახურებაა“, - განაცხადა მერტენსმა.