„დავორგანიზდეთ, სამოქალაქო სექტორმა, სტუდენტებმა, საჯარო პირებმა, დავთქვათ დრო და დავდგეთ ამ დაღუპული კაცის ხსნოვნისთვის მაინც!“ - ირაკლი კუპრაძე

„დავორგანიზდეთ, სამოქალაქო სექტორმა, სტუდენტებმა, საჯარო პირებმა, დავთქვათ დრო და დავდგეთ ამ დაღუპული კაცის ხსნოვნისთვის მაინც!“ - ამის შესახებ სოციალურ ქსელში პარტია „ლელოს“ აჭარის ორგანიზაციის ლიდერი ირაკლი კუპრაძე წერს.

„სანატორიუმ ,,ქართლში" მცხოვრებმა 52 წლის დევნილმა კაცმა თვითმკვლელობით დაასრულა სიცოცხლე, თან ქვემოთ შეკრებილ დევნილებს მიაძახა: ეს თქვენთვის, იქნებ ამის მერე მოგაქციონ ყურადღებაო.

ვეღარ წარმომიდგენია ამის მერე, როგორ უნდა გრძელდებოდეს ჩვეულებრივად ჩვენი ცხოვრება.

ადამიანის სიცოცხლის ასე გაუფასურება, ტრაგედიების ნორმად ქცევა და შემდეგ ბრძოლის ნაცვლად ტოტალური უიმედობის განცდის შემოტანა!

ესაა ხელისუფლების სახე. დაჰპირდნენ დაგეხმარებითო და გადააგდეს.

დაჰპირდნენ შეგხვდებითო და გადააგდეს.

არ მოუსმინეს, არ გაუწოდეს დახმარების ხელი.

ახლა უნდა იხუვლოს მთელმა თბილისმა და დადგეს ფეხზე ამ ადამიანების გვერდით. ამას არანაირი, მაგრამ არ სჭირდება!

დავორგანიზდეთ, სამოქალაქო სექტორმა, სტუდენტებმა, საჯარო პირებმა, დავთქვათ დრო და დავდგეთ ამ დაღუპული კაცის ხსნოვნისთვის მაინც!

დავთქვათ დრო და ადგილი! ახლავე და აქ!“, - წერს ირაკლი კუპრაძე ფეისბუკის საკუთარ გვერდზე.

თბილისის ზღვასთან, ყოფილ სანატორიუმ „ქართლში“ მცხოვრებმა დევნილმა კაცმა პროტესტის ნიშნად თავი მოიკლა.

"ერთი კვირის წინაც ამბობდა, მე ამას გავაკეთებ, მე ამას საქმეს შევეწირები, მთავარია თქვენ გეშველოთო", - უთხრა აქციის ერთ-ერთმა მონაწილემ ჟურნალისტებს.

სანატორიუმ „ქართლში“ მცხოვრები დევნილები ალტერნატიული ფართების გამოყოფას ითხოვენ. მათი თქმით, კორპუსი, რომელშიც ისინი ცხოვრობენ, ავარიულია და საფრთხე ყოველდღიურად იმატებს.

ასევე საინტერესოა:

🔵 „გუშინ ალბათ უფალმა სამუდამო ადგილი მიგიჩინა მის გვერდით… ნეტა განახა რა დღეში ვართ უშენოდ“ - დიკო სალაყაიას სულის შემძვრელი წერილი

🔵 „დავიჯერე რომ ნოეს ხატება მივიდა სიკვდილის წინ იმ ჭაობისფერი საწვიმარით და ლელაიემ ცრემლებით გამოიტირა მისი ერთადერთი სიყვარული“ - დინა მირცხულავა სევდიან ისტორიას იხსენებს

🔵 „ან რუსეთის ეკლესიის მიერ მართულმა სერბმა მამაომ შეაცდინა, ან შიში აქვს, რომ დაჩიპავენ“ - გოცირიძე ჯოკოვიჩის დეპორტაციაზე