გულის თანდაყოლილი მანკის მკურნალობა საყოველთაო ჯანდაცვის პროგრამით დაფინანსდება

გულის თანდაყოლილი მანკის მკურნალობა საყოველთაო ჯანდაცვის პროგრამით დაფინანსდება.

გულის თანდაყოლილი მანკის მკურნალობა რეფერალიდან, საყოველთაო ჯანდაცვის სახელმწიფო პროგრამაში გადავიდა.

თანდაყოლილი გულის მანკის მკურნალობა, 18 წლამდე პირებს 100%-ით, პენსიონერებს 90-ით, სხვა დანარჩენს კი 70%-ით დაუფინანსდებათ.

ცნობისთვის, გულის მანკების სიხშირე ძალიან მაღალია და განვითარების მანკების მიზეზით გამოწვეული ბავშვთა სიკვდილიანობის ძირითად მიზეზს წარმოადგენს. ზოგიერთი ავტორის მიხედვით, სიხშირე ახალშობილთა საერთო რიცხვის 0,8-1,2%-ს (100 ახალშობილზე დაახლოებით 1 მანკი) აღწევს, თანდაყოლილი მანკების საერთო რიცხვიდან კი გულის მანკების წილად 30% მოდის. გულის თანდაყოლილი მანკები დაავადებათა ვრცელი და მრავალფეროვანი ჯგუფია, რომელიც როგორც შედარებით მსუბუქ, ასევე საკმაოდ მძიმე, ბავშვის სიცოცხლესთან შეუთავსებელ მდგომარეობებს მოიცავს. სიკვდილიანობის მაჩვენებელი საკმაოდ მძიმეა.

დაავადებული ბავშვების უმეტესობა სიცოცხლის პირველ წელს, განსაკუთრებით პირველ თვეს (70-90%) იღუპება, 1 წლიდან 15 წლამდე პერიოდში კი სიკვდილიანობა მკვეთრად ქვეითდება და 5%-ს არ აღემატება.

ასევე დაგაინტერესებთ:

🔵 დედა გარდაეცვალა, ბიჭს ნერვიულობაზე ლეიკემია განუვითარდა - მეგობრები 18 წლის დათას ემშვიდობებიან

🔵 რა გელოდება დღეს? - 13 სექტემბრის ასტროლოგიური პროგნოზი

🔵 ისე ვირი გვყავს კახეთში, თუ მოგეწონებათ წაიყვანეთ, ქათმები გვყავს ინდაურები - სოსო გოგაშვილის ვაჟი "ქართულ ოცნებას" მიმართავს