ლევან მაჭავარიანი: საქართველოს ინტერესებზე წინ არაფერს არ დავაყენებთ, ვიბრძვით იმისთვის, რომ ჩვენი სამშობლო იყოს უფრო მეტად დამოუკიდებელი და სუვერენული

„სამწუხაროდ, ბრძოლაში არ ვართ ჩვენს ოპოზიციასთან, რადგან ისინი ძალიან მარტივი დასამარცხებლები არიან და რა დღეში არიან ყველანი კარგად ვხედავთ. პირიქით, ჩვენ ვარ ოპოზიციაში აი, ამ გლობალური „დიფ სთეითის“ მიმართ, რომელიც, რა თქმა უნდა, ძალიან ძლიერია, დიდი გავლენები აქვს“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

როგორც დეპუტატი აღნიშნავს, საქართველოს ინტერესებზე წინ არაფერს არ დააყენებენ და მმართველი გუნდის წევრებს სანქციები არ აინტერესებს.

„სამწუხაროდ, ბრძოლაში არ ვართ ჩვენს ოპოზიციასთან, რადგან ისინი ძალიან მარტივი დასამარცხებლები არიან და რა დღეში არიან ყველანი კარგად ვხედავთ. პირიქით, ჩვენ ვარ ოპოზიციაში აი, ამ გლობალური „დიფ სთეითის“  მიმართ, რომელიც, რა თქმა უნდა, ძალიან ძლიერია, დიდი გავლენები აქვს, თუმცა ჩვენი მოქალაქეები ნამდვილად გვიფასებენ იმას, რომ 3 წელია ასე მყარად ვდგავართ, ჩვენი ქვეყნის ეროვნულ ინტერესებს ვიცავთ.

როგორიც არ უნდა იყოს: წნეხი, ზეწოლა, შანტაჟი, სანქციები ამა თუ იმ ქვეყნის, ჩვენს ეს არ გვაინტერესებს და ეს საქმით გვაქვს დამტკიცებული. საქართველოს ინტერესებზე წინ არაფერს არ დავაყენებთ და ზუსტად ისე გავაგრძელებთ ბრძოლას, როგორც ვიბრძვით იმისთვის, რომ ჩვენი სამშობლო იყოს უფრო მეტად დამოუკიდებელი და სუვერენული, ვიდრე ოდესმე ყოფილა. დამოუკიდებლობის და სუვერენიტეტის ასეთი ხარისხი, რომელიც დღეს ჩვენ ქვეყანას გააჩნია, კარგად დავფიქრდეთ როდის გვქონია ბოლოს.

ყოველდღიურ რეჟიმში ვიბრძვით, რომ კიდევ უფრო მეტად განმტკიცდეს. ვპირდებით ჩვენ საზოგადოებას, მომდევნო წლებში საერთოდ იმ ხარისხში ავა, რომელიც ვერასდროს ვერავის ვერ წარმოედგინა. ჩვენ 34 წლის წინ ავირჩიეთ დამოუკიდებლობა, ამას სჭირდება განმტკიცება, შენარჩუნება და ჩვენ მოწადინებულები ვართ, ეს ყოველდღიურ რეჟიმში უფრო და უფრო განვამტკიცოთ“, - აღნიშნავს მაჭავარიანი.