სააკაშვილი კლინიკა "ვივა მედში" გამოკვლევებისთვის გადასვლაზე თანხმობას გამოთქვამს და რამდენიმე პირობას ასახელებს

საქართველოს მესამე პრეზიდენტი, მიხეილ სააკაშვილი საქართველოს იუსტიციის მინისტრს და პენიტენციური სამსახურის დირექტორს მიმართავს.

„ვინაიდან ჩემი ჯანმრთელობის მდგომარეობა უკიდურესად დასუსტებულია და ვფიქრობ, შეუთავსებელია სასიცოცხლო მაჩვენებლებთან, თანახმა ვარ კლინიკა "ვივა მედში" გადასვლაზე გამოკვლევებისთვის, გადაუდებელი სამედიცინო მომსახურებისა და მკურნალობისთვის შემდეგი პირობებით:

1. მუდმივი დაშვება ჰქონდეთ ჩემს ოჯახის წევრებს, ჩემს პირად ექიმს ნიკა ყიფშიძეს და ალტერნატიული კომისიის წევრებს ცენტრ "ემპათიადან", რაც კანონით განსაზღვრულია და რაზეც აქამდე უკანონოდ მეძლეოდა უარი;

2. სამუშაო საათებში დაშვება ჰქონდეთ კანონით განსაზღვრულ პირებს, ადვოკატებსა და პარლამენტის წევრებს;

3. ყოველ გამოკვლევაში, დიაგნოსტიკაში, დანიშნულების დადგენასა და ასევე მკურნალობის შემდგომი ეტაპების თუ გამოჯანმრთელების ფაქტის განსაზღვრა მოხდეს პარიტეტულ საფუძველზე შექმნილი შემადგენლობით, ცენტრი "ემპათიის" ჩართულობით და მათი თანხმობის შემთხვევაში სახალხო დამცველის კონსილიუმის წევრების მონაწილეობით;

4. როგორც კი აღნიშნულ საკითხებზე მივიღებ პასუხს, მზად ვარ, დაუყოვნებლივ გადავიდე "ვივა მედში";

5. გთხოვთ, აღნიშნულ საკითხებზე გადაწყვეტილება მიიღოთ ჩემი ოჯახის წევრებისა და ადვოკატების ჩართულობით.“. - წერს მიხეილ სააკაშვილი.

ასევე საინტერესოა:

🔵 „ძალიან დიდ ტკივილებს განიცდის, მისი კანის 70% ღია ჭრილობაა“ - 8 წლის დათის გადასარჩენად ნახევარი მილიონი დოლარია საჭირო

🔵 „ლიფტში ვარ გაჭედილი. სირე..ის კომპანია ,,თელმიკოში,, ვრეკავ და მაქსიმუმ ორ საათში მოვა შუქიო“ - რა შეემთხვა ინგა გრიგოლიას?

🔵 "ჩვენ ერთადერთი იმპერია ვართ მსოფლიოში... ვერასდროს დაამარცხებენ რუსეთს" - თინა კანდელაკი