ყოველ წუთს შენი ხმის გაგონება მინდა: „ალექს გაწმინდე ავტომატი?“ - რას წერს უკრაინელი ჟურნალისტი, რომელიც ბოლო წუთამდე ქართველ მებრძოლებთან იყო

ქართველ და უკრაინელ სამხედროებს ტყიდან დაჭრილი თანამებრძოლები გამოჰყავდათ, როდესაც ნაღმი აფეთქდა და დათო რატიანი სასიკვდილოდ დაიჭრა, ხოლო დაჭრილმა მეომარმა რომელიც რატიანს მიჰყავდა, ტვინის შერყევა მიიღო, - ამის შესახებ უკრაინელი ჟურნალისტი ალექსეი ბობრონიკოვი სოციალურ ქსელში წერს.

„დათო, მადლობა, რომ ჩემთან ერთად იყავი. მადლობა, რომ იყავი“, – წერს ალექსეი ბობრონიკოვი.

„ბერო და დათო. გია ბერიაშვილი და დათო რატიანი. ისინი გუშინ დაიღუპნენ ირპენისთვის ბრძოლაში, ჩვენი ოცეულის სადაზვერვო ბრძოლაში. ბეროს ცხედარი ცეცხლის ქვეშ გადმოვასვენეთ. ბერო სიცოცხლისთვის ბოლო წუთამდე იბრძოდა.

დათო რატიანი ჩემი ახლო მეგობარი გახდა. სწორედ მან გადამარჩინა სიკვდილს. სიკვდილამდე რამდენიმე ოკუპანტიც გაიყოლა, მას ავტომატი ჰქონდა. დათომ გმირულად იცხოვრა და გმირულად დაიღუპა: ფეხში დაჭრილ ფრანგ ჯარისკაცს პუნქტამდე ისვლაში დაეხმარა. აფეთქების შედეგად დათო ადგილზე დაიღუპა. დათო იყო ძლიერი, მშვიდი, თავმდაბალი, მოწესრიგებული და კეთილი.

დათო რატიანი აფხაზეთში მცხოვრები მესტიელი სვანი იყო და აფხაზეთის ომის შემდეგ კიდევ ერთი სამშობლო დაკარგა.

ალბათ, დათოზე მეტს დავწერ, კაცზე, რომელმაც ბევრი რამ მასწავლა რამდენიმე თვიანი ნაცნობობის პერიოდში, ერთობლივი გასვლებისას ფრონტზე – მშობლიური სამაჩაბლოსა და აფხაზეთი დემარკაციის ხაზიდან ჩემს მშობლიურ კიევამდე.

რატიანი…

 ყოველ წუთს შენი ხმის გაგონება მინდა: „ალექს გაწმინდე ავტომატი?“, „ალექს, 7 შვილის დედა მოკლეს, წაიკითხე?“, „ალექს, არის რამე სიახლე? როდის გავდივართ?“

დათო გუშინ დილის 5 საათზე ბოლო ბრძოლაში გავიდა. ბოლო წუთამდე ერთად ვიყავით“, – წერს ალექსეი ბობრონიკოვი.

ასევე საინტერესოა:

🔵 თინა კანდელაკი, როგორც კი საქართველოში ფეხს ჩამოადგამს, უკანასკვნელად დაჭკვნება - ნანუკა ჟორჟოლიანი
 

🔵 იქნებ ბოლო სურათია ჩვენთვის, გადავიღოთო - რას წერს დაღუპულ ქართველ ჯარისკაცებზე მათი თანამებრძოლი?