ზაზა შათირიშვილი: „ქართულმა ოცნებამ“ იდეალურად წარმართა გასული 4 წელიწადი, პრაქტიკულად, გაანადგურა ოპოზიცია, ანუ „დიფ სთეითის“ აგენტურა

„ქართულმა ოცნებამ“ იდეალურად წარმართა გასული 4 წელიწადი, პრაქტიკულად, გაანადგურა ოპოზიცია, ანუ „დიფ სთეითის“ აგენტურა, საზოგადოების უდიდეს ნაწილს გააგებინა სიმართლე, რომ „დიფ სთეითისგან“ მართული დასავლური სტრუქტურები არა საქართველოს დახმარებით, არამედ ქვეყნის არევისა და რევოლუციის მოწყობის გამუდმებული მცდელობით არიან დაკავებული, - ამის შესახებ ფილოსოფოსი ზაზა შათირიშვილი წერს.

როგორც მის მიერ გავრცელებულ წერილშია აღნიშნული, ტრამპის ადმინისტრაციამ რომ „ქართულ ოცნებას“ ხელი გაუწოდოს, აგენტურა საბოლოოდ უნდა გაანადგუროს, რასაც „დიფ სთეითი“ არ დაუშვებს. ამავე დროს, მისი თქმით, მმართველი გუნდი იმდენად არის მოძლიერებული, რომ მასზე თავდასხმაც კონტრპროდუქტიული იქნება, ამიტომ, ახალი ადმინისტრაცია საქართველოსთან მიმართებით დუმილის რეჟიმს ინარჩუნებს.

„ახალმა ადმინისტრაციამ „ქართულ ოცნებას“ ხელი რომ გაუწოდოს, აგენტურა საბოლოოდ უნდა გაანადგუროს, რასაც, ბუნებრივია, „დიფ სთეითი“ არ დაუშვებს. ამავდროულად, „ქართული ოცნება“ ახლა იმდენად არის მოძლიერებული, რომ მასზე თავდასხმაც დღეს სრულიად კონტრპროდუქტიული იქნებოდა. სწორედ ამიტომ რჩება ახალი ადმინისტრაცია დუმილის რეჟიმში.

თუმცა, „ქართული ოცნება“ არ უნდა დაელოდოს იმას, რასაც ამერიკაში ელოდებიან, კერძოდ, „დიფ სთეითის“ რებრენდინგს, რომელსაც დაახლოებით ერთი წელიწადი დასჭირდება. ამასაც მარტივი ახსნა აქვს - როგორც კი „დიფ სთეითის“ რებრენდინგი დასრულდება, ის საქართველოს გაძლიერებული ტრამპის ხელით შემოუბრუნდება და აგენტურით მის ჩანაცვლებას კიდევ ერთხელ შეეცდება. ამიტომ, „ქართულმა ოცნებამ“ საზოგადოება ახალი ადმინისტრაციის ხელით „დიფ სთეითის“ ახალი შეტევისთვის წინასწარ უნდა შეამზადოს.

ერთადერთი, ვისაც ამ რთულ რეალობაში „ქართული ოცნება“ დღემდე ეყრდნობოდა და მომავალშიც უნდა დაეყრდნოს, ქართველი ხალხია, რომელსაც გასული 35 წლის მანძილზე უდიდესი გამოცდილება და სიბრძნე დაუგროვდა. ამიტომ, აშშ-ში მიმდინარე მოვლენების შესახებ საზოგადოების სრულად ინფორმირებას ალტერნატივა არა აქვს“ - წერს ზაზა შათირიშვილი.