მსოფლიოს საწყობებში, ხორბლის მხოლოდ 10 კვირის მარაგი დარჩა - სასურსათო უსაფრთხოების ექსპერტი გაეროს უშიშროების საბჭოზე
მსოფლიოს საწყობებში, ხორბლის მხოლოდ 10 კვირის მარაგი დარჩა. ამის შესახებ გაეროს უშიშროების საბჭოზე, სასურსათო უსაფრთხოების ექსპერტმა, აგრარული ანალიტიკური კომპანია Gro Intelligence-ის აღმასრულებელმა დირექტორმა, სარა მენკერმა განაცხადა. მისი თქმით, უკრაინის წინააღმდეგ, რუსეთის ომმა ამ პრობლემასთან დაკავშირებით ცეცხლზე ნავთი დაასხა.
"თავდაპირველად, მინდა პირდაპირ ვთქვა, რომ რუსეთ-უკრაინის ომი არ გამხდარა სასურსათო უსაფრთხოების კრიზისის მიზეზი, ამან უბრალოდ ნავთი დაასხა ცეცხლზე, რომელიც დიდი ხანია ენთო. კრიზისი, რომელიც ჩვენ აღმოვაჩინეთ პანდემიამდე დიდი ხნით ადრე, მეტყველებს ჩვენი მიწოდების ჯაჭვების სისუსტეზე", - განაცხადა მენკერმა.
მისი თქმით, იმ შემთხვევაშიც კი, თუ ომი ხვალვე დამთავრდება, შეთანხმებული ქმედებების გარეშე , სასურსათო უსაფრთხოების პრობლემა უახლოეს მომავალში არ მოიხსნება.მენკერი აღნიშნავს, რომ მთელ მსოფლიოში, სასურსათო რისკების ზონაში 400 მილიონამდე ადამიანი მოექცა
"დღეს, პირობები უარესია, ვიდრე 2007 და 2008 წლებში. მნიშვნელოვანია აღინიშნოს, რომ მარცვლეულის მარაგი ამჟამად ყველაზე დაბალია, რაც კი ოდესმე მსოფლიოს უნახავს. ამასთან, სასუქზე ხელმისაწვდომობა მკაცრად შეზღუდულია და იმ რეგიონებში, სადაც ხორბალი მოჰყავთ ბოლო 20 წლის განმავლობაში ყველაზე ძლიერი გვალვებია. ანალოგიური პრობლემებია სიმინდსა და სხვა მარცვლეულებთანაც",- განაცხადა მენკერმა.
გასულ კვირას, აშშ-ის სახელმწიფო მდივანმა ენტონი ბლინკენმა რუსეთი უკრაინიდან ხორბლის ექსპორტის დაბლოკვაში დაადანაშაულა, რაც რუსეთმა კატეგორიულად უარყო. ბლინკენი ამტკიცებს, რომ მოსკოვი ხორბალს ომის იარაღად იყენებს.
CNN-ის ცნობით, აშშ და ევროპა უკრაინიდან მარცვლეულის გადატანის გეგმებზე მუშაობენ. ამ პროცესში დახმარების მზადყოფნა გამოთქვა კანადამაც.
უკრაინა, ახლახან შეუერთდა სასურსათო უსაფრთხოების საგზაო რუკის ხელმოწერას და დააწესა ორი სახმელეთო მარშრუტი პროდუქციის ტრანსპორტირებისთვის.
ასევე წაიკითხეთ:
მთავარი სიახლეები
1793728972
საზოგადოებაპრემიერი: ევროპულ ბიუროკრატიასთან არსებული ყველა გამოწვევის მიუხედავად, ჩვენ წინ მივდივართ და ვაგრძელებთ ევროპული ინტეგრაციის დღის წესრიგით გათვალისწინებული ვალდებულებების შესრულებას
ჩვენ ორიენტირებულნი ვართ ჩვენს ეროვნულ დღის წესრიგზე, - ამის შესახებ პრემიერ-მინისტრმა ირაკლი კობახიძემ ბრიუსელში ჟურნალისტებს განუცხადა. მისივე თქმით, ამ დღის წესრიგის ნაწილია ევროკავშირთან შეთანხმებ...
1793727897
საზოგადოებაპრემიერი: ისეთი დავალებები მიიღეს უცხოური აგენტურის წარმომადგენლებმა საკუთარი პატრონებისგან, რომ ამით დაანგრიეს საკუთარი თავი, ჩვენ თავიდანვე ვთქვით, რომ ამ ალიანსს დიდი პერსპექტივა არ ჰქონდა
„ისეთი დავალებები მიიღეს უცხოური აგენტურის წარმომადგენლებმა საკუთარი პატრონებისგან, რომ ამით დაანგრიეს საკუთარი თავი და ამის შედეგია ის დაპირისპირებები, რომელსაც ვხედავთ აგენტურის შიგნით“, - ამის შესა...
1793727078
საზოგადოებაირაკლი კობახიძე: 4 ოქტომბრის მონაწილეები ელოდებოდნენ კონსტიტუციური წყობილების დამხობას და 4 ოქტომბრის ჩავარდნის შემდეგ, პარლამენტში შესვლის გადაწყვეტილება მიიღეს
„ჩვენ მათი აღიარებითი ჩვენებებიც მოვისმინეთ, მათი ორი ლიდერის განცხადება მოვისმინეთ, სადაც ისინი ამბობდნენ, რომ 4 ოქტომბრის ჩავარდნის შემდეგ მიიღეს გადაწყვეტილება პარლამენტში შესვლის თაობაზე“, - ამის...
1793725957
ახალი ამბებიმაშველებმა მდინარე რიონიდან 2 ახალგაზრდის ცხედარი ამოასვენეს
ქუთაისში, რიონჰესის მიმდებარე ტერიტორიაზე, მდინარე რიონში გადავარდნილი ავტომობილიდან მაშველებმა ორი კაცის ცხედარი ამოასვენეს. ნაპოვნი და მდინარიდან ამოტანილია ავტომობილიც. ცნობისთვის, ავტოსაგზაო შემ...
1793724509
საზოგადოებაირაკლი კობახიძე: როგორც ქვეყნის შიგნით ოპოზიცია და მათი აქტივისტები ყოველ ჯერზე გაურბიან დებატებს, ისე გაურბის სამწუხაროდ, ევროპული ბიუროკრატიაც ასეთ დებატებს, რადგან სიმართლე არის ჩვენს მხარეს
„პოლიტიკური მოვლენები დინამიკურად ვითარდება და ასეთ პირობებში ჩვენ შეგვიძლია, დავიტოვოთ ოპტიმიზმი იმასთან დაკავშირებით, რომ ქართველი ხალხის მიმართ და ჩვენი ქვეყნის მიმართ ევროპული ბიუროკრატიის დამოკიდ...
