შეგვიძლია თუ არა ბინადრობის დამადასტურებელი დოკუმენტის გასაახლებლად გაცემული ქვითრით, (რიჩევუტა) მოგზაურობა?

შეგვიძლია თუ არა ბინადრობის დამადასტურებელი დოკუმენტის გასაახლებლად გაცემული ქვითრით, ,,რიჩევუტა" მოგზაურობა?

იტალიაში ბინადრობის დამადასტურებელი დოკუმენტის (Permesso di Soggiorno) განახლებაზე განაცხადის გაკეთებისთანავე ჩვენ ხელში გვიჭირავს ფუნდამენტური დოკუმენტი, ე.წ ქვითარი ,,Ricevuta", რომელიც ადასტურებს, რომ ბინადრობის ნებართვის დამადასტურებელ დოკუმენტს ვაახლებთ და შესაბამისად, არ ვიმყოფებით არალეგალურად იტალიის ტერიტორიაზე.

განახლების ქვითარი, ,,Ricevuta" არ უნდა დაკარგოთ და ფრთხილად შეინახეთ!

სად შეგვიძლია წასვლა ბინადრობის ნებართვის განახლებაზე გაცემული ქვითრით?

ბინადრობის დამადასტურებელი დოკუმენტის განახლების მოთხოვნისთანავე საფოსტო განყოფილებები როგორც ზემოთ აღვნიშნეთ გასცემენ ქვითარს ,,Ricevuta" განმცხადებლის პერსონალური მონაცემებით, სადაც მითითებულია ასევე ანაბეჭდების დანიშვნის დრო და თარიღი.

მიუხედავად იმისა, რომ ბევრს სჯერა, რომ მათ შეუძლიათ თავისუფლად იმოგზაურონ ყველგან, სინამდვილეში ეს ასე არ არის.

ფაქტობრივად, ბინადრობის ნებართვის დამადასტურებელი დოკუმენტის განახლებაზე ფოსტის განყოფილების მიერ გაცემული ქვითრით ნებადართულია გამგზავრება მხოლოდ მშობლიურ ქვეყანაში! შენგენის ზონის სხვა ქვეყნებში გაჩერება კი შეუძლებელია.

ეს იმიტომ ხდება, რომ ქვითარი (Ricevuta) არ არის აღიარებული, როგორც პირადობის დამადასტურებელი დოკუმენტი, არ ადასტურებს უცხოელის ქმედით კანონიერებას, რომლითაც შეგიძლიათ იმოგზაუროთ.

უცხოელს, ვინც გააკეთა განაცხადი ბინადრობის ნებართვის დოკუმენტის განახლებაზე და ხელში მხოლოდ ამის დასადასტურებლად ქვითარი აქვს, შეუძლია იმოგზაუროს:

1. იტალიის ტერიტორიაზე ფოსტის მიერ გაცემული ქვითრით და ვადაგასული ბინადრობის ნებართვის ორიგინალით.

2. მშობლიურ ქვეყანაში გამგზავრებისას კი თან უნდა იქონიოთ განახლების ქვითარი (Ricevuta), ვადაგასული ბინადრობის დამადასტურებელი დოკუმენტი და თქვენი პასპორტი.

მშობლიურ ქვეყანაში წასვლა და შემდეგ დაბრუნება მხოლოდ პირდაპირი რეისით უნდა მოხდეს!

იმ შემთხვევაში კი, თუ ფრენა მოიცავს ტრანზიტს, აუცილებელია წინასწარ დაზუსტება იმ ქვეყნის საელჩოში ან საკონსულოში, სადაც განხორციელდება.

ისინი კი, ვინც პირველად ელოდებით ბინადრობის ნებართვის დოკუმენტის აღებას და ხელში გიჭირავთ ქვითარი, რა თქმა უნდა ვერ შეძლებთ გამგზავრებას სანამ მთლიანი პროცესი არ დასრულდება და არ აიღებთ ბინადრობის დამადასტურებელ დოკუმენტს.

წარმატებას გისურვებთ!

ჟურნალისტი ნონა გედენიძე

Exclusivetv.ge - იტალია