"არ გაბედო და აქ სამსახურების გაყიდვა არ დაიწყო, არ შებღალო აქაური წმინდა ქართული თანადგომა და ურთიერთობა... არ გაპატიებთ❗️❗️❗️"

იტალიაში მცხოვრები ემიგრანტი ლია-სიდონია გვიჩიანი, საკუთარ ფეისბუკ გვერდზე წერილს აქვეყნებს და ე.წ. დამსაქმებლებს მიმართავს:

"ვმუშაობ "გროსეტოს" პროვინციაში თითქმის 5 წელია, როცა აქ ჩამოვედი საერთოდ არ იყვნენ ქართველები, დავიწყე ნელ-ნელა ჩამოყვანა, ვეძებდი სამსახურებს რომ ვინმე ქართველი დამესაქმებინა, განურჩევლად იმისა ვიცნობდი თუ არა მას, ამჟამად ალბათ 300-მდე იქნება ქართველთა რიცხვი (ზუსტად არ ვიცი) ...

აქ ვასაქმებთ სრულიად უფასოდ და თუ ვინმე გაყიდის სამსახურს რა თქმა უნდა მოვითხოვთ, რომ დატოვოს ჩვენი გარემოცვა.

დღეს ერთი უკრაინელი მესაუბრა, რომელიც მეხმარება სამსახურების მოძიებაში, მან მითხრა რომ გროსეტოს პროვინციაში პორტო სანტო სტეფანოში მუშაობს ვიღაც ქართველი და ამ ქართველმა შესთავაზა უკრაინელს, სამსახურების გაყიდვა და თანხის გაყოფა. 

ვთხოვე უკრაინელს მოეცა ჩემთვის ამ ქალბატონის კოორდინატები, მაგრამ არ "ჩაუშვა".

მივმართავ ამ ქალბატონს: არ გაბედო და აქ სამსახურების გაყიდვა არ დაიწყო და არ შებღალო აქაური წმინდა ქართული თანადგომა და ურთიერთობა... არ გაპატიებთ❗️❗️❗️

სხვა რეგიონში მყოფ ქართველებსაც მოგიწოდებთ ნუ ყიდით სამსახურებს, თორემ ემპოლში მომხდარი ამბავი თქვენც გადაგხდებათ". - წერს გვიჩიანი.