იტალიაში მყოფი ემიგრანტის მადლიერების წერილი

საემიგრაციო მედია პლატფორმა Exclusivetv-ს ნეაპოლში მცხოვრებმა ქართველმა ემიგრანტმა ანნა ქავთარაძემ მომართა. ემიგრანტის სურვილია, ფართო აუდიტორიას მიმართოს და ამით მადლიერება გამოხატოს კონკრეტული უწყებისა და პიროვნებების წინაშე.

ანნა ქავთარაძის წერილს უცვლელად გთავაზობთ:

“საღამო მშვიდობისა. წარმატებებს გისურვებთ. მინდა თქვენი საინფორმაციო პლატფორმის მეშვეობით მადლიერება გამოვხატოთ საქართველოს საელჩოს მიმართ რომში, თუ ეს შესაძლებელია. თითქმის ერთი თვეა ნეაპოლში 30 წლის ემიგრანტი გარდაიცვალა. საელჩოს თანადგომით უსწრაფესად მომზადდა საჭირო საბუთები, ორი დღის განმავლობაში. ღამის 10.00 საათამდეც კი კავშირზე იყვნენ ცდილობდნენ მაქსიმალური ოპერატიულობით გადაეჭრათ საკითხები. ასევე მადლობა მინდა გამოვხატოთ ბეგლარ თავართქილაძის მიმართ, რომელიც უანგაროდ ყოველთვის გვპასუხობს კონსულტაციაზე.

დღეს ბევრი უარყოფითი კომენტარი შემხვდა საელჩოს მიმართ, რის გამოც სურვილი გამიჩნდა ჩემი აზრი საჯაროდ დამეფიქსირებინა. მე მადლობელი ვარ როგორც საქართველოს მოქალაქე. რამდენჯერაც პირადი დოკუმენტებისთვის მივმართე საელჩოს, მუდამ დროულად მპასუხობდნენ. ბოდიში და მადლობა მოსმენისთვის“ - გვწერს ანნა ქავთარაძე.

აგრეთვე დაგაინტერესებთ:

📌 იტალიაში ქართველი ემიგრანტი გარდაიცვალა

📌 იტალიაში ბინების ძარცვის ბრალდებით საქართველოს რვა მოქალაქე დააკავეს

📌 საქართველოში საარსებო შემწეობას 660 ათასზე მეტი ადამიანი იღებს - რა თანხას რიცხავს მთავრობა ყოველთვიურად?