ხათუნა შარაძე: მივიღე შეთავაზება ემიგრანტის კვოტით მიმეღო მონაწილეობა თვითმმართველობის არჩევნებში

"მივიღე შეთავაზება ემიგრანტის კვოტით მიმეღო მონაწილეობა თვითმმართველობის არჩევნებში",- ამის შესახებ "ექსკლუზივ ტვ"-ს გენერალური დირექტორი, ემიგრანტი ჟურნალისტი ხათუნა შარაძე, სოციალურ ქსელში წერს.

"12 ივნისს თვითმმართველობის არჩევნებია, იტალია ახალ მერებს აირჩევს. 

რამდენიმე დღეა, ჩემი სახლის წინ  ასე პატიოსნად, გვერდიგვერდ არიან კანდიდატები ჩამწკრივებული და არავის მოსდის თავში აზრად ოპონენტის პლაკატი ჩამოხიოს.

ქალაქში არის მშვიდი სიტუაცია. კანდიდატების საარჩევნო შტაბების წინ არის მცირედი თავყრილობები, არანაირი ხმაური, ქაოსი, ჩხუბი. 

ფეისბუკმა რამდენიმე მათგანის დასპონსორებული საარჩევნო ვიდეო კლიპი მიჩვენა და რამდენიმეს წარმომადგენლიდან ვოტსაპში მცირე ინფორმაცია მომივიდა, მხარი დავუჭირო მის კანდიდატურას.

საარჩევნო კამპანია აგებულია ძალიან მშვიდ და უწყინარ თემებზე, მაგალითად როგორიც არის დაზიანებული სკამები საზოგადოებრივ სკვერებში, პარკებსა და საბავშვო ატრაქციონებზე.

გზის სავალ ნაწილებზე ცუდად ამოვსებულ ორმოებზე, ქალაქის მიმდებარედ გაუცელავ ბალახზე და დროულად არ გატანილ საყოფაცხოვრებო ნარჩენებზე. 

მინდა ოდესმე საქართველოშიც მხოლოდ ეს საკითხები ჰქონდეთ ოპონენტებს ერთმანეთთან გასარკვევი და ამომრჩევლის გულს, მხოლოდ ამ საკითხების გადაჭრით იგებდნენ.

პ.ს. არ გამიმართლა, თორემ საარჩევნო კამპანიაშიც მიხილავდით, მივიღე შეთავაზება ემიგრანტის კვოტით მონაწილეობა მიმეღო თვითმმართველობის არჩევნებში, მაგრამ ქვეყანაში ლეგალურად ცხოვრების დოკუმენტმა შემიშალა ხელი.

მე როგორც ახალბედა ემიგრანტს ჯერ არ მაქვს არჩევნებში მონაწილეობის მიღების უფლება, ამიტომ ჩემთან ერთად, თქვენც მოითმინეთ   რა იცით, რა ხდება მომავალში და როგორ დატრიალდება ჩემი ბედის ბორბალი  მანამდე მხოლოდ პლაკატების თვალიერებით გავირთობ თავს", - წერს ხათუნა შარაძე.

ასევე დაგაინტერესებთ:

📍"მადლობა დიასპორის წარმომადგენლებს თავდაუზოგავი შრომისათვის, რათა დახმარება გაუწიონ აქ მყოფ ოჯახის წევრებს, სამშობლოს უყვარხართ და ძალიან სჭირდებით" - ილია მეორე