მიგრანტთა ნავს გარდაცვლილი ახალშობილი ჩამოჰყვა, დედამ ნავზე იმშობიარა

ლამპედუზაში (კომუნა იტალიაში, სიცილიის რეგიონში) ღამით, შვიდი სხვადასხვა პატარა ნავით, სულ მცირე, 225 ადამიანი ჩავიდა რომლებიც  ფინანსურმა პოლიციამ და სანაპირო დაცვის საპატრულო ეკიპაჟმა პორტში გადაიყვანა. მიგრანტთა ნავზე გარდაცვლილი ახალშობილის ცხედარი აღმოჩნდა, დედამ ზღვაში, ნავზე იმშობიარა, რის გამოც ახალშობილის გადარჩენა ვერ მოხერხდა. 

დედას მშობიარობა ნავზე დაეწყო, რომელსაც დახმარებას ნაცზე მყოფი ადამიანები უწევდნენ თუმცა ახალშობილის გადარჩენა ვერ მოხერხდა. ბორტზე ორმოცამდე ადამიანი იმყოფებოდა. ქალი სასწრაფო დახმარების მანქანით კუნძულზე არსებულ კლინიკაში გადაიყვანეს.

წითელი ჯვრის ინფორმაციით, დღეის მდგომარეობით ცხელ წერტილში დაახლოებით 2 500 ადამიანი იმყოფება. მოხალისეები და ოპერატორები დაუღალავად მუშაობენ, რათა უზრუნველყონ მიგრანტთა ძირითადი საჭიროებები.

იტალიის შინაგან საქმეთა მინისტრი განმარტავს, რომ პასუხისმგებლობის დროა:

“არალეგალური იმიგრაცია, დიდი პრობლემებით, რაც მას თან ახლავს, ამჟამად ძალიან რთულ გამოწვევას აყენებს ქვეყანას და მთელ ევროპას. ეს არის სიტუაციები და მომენტები, რომელიც ყველა გასაზღვრებით სახელმწიფო პასუხისმგებლობაა, როგორც უმრავლესობის ასევე ოპოზიციისთვის“.