ნუ გაგიჩნდებათ კომპლექსი რომ სხვა უკეთ საუბრობს, ისაუბრეთ ისე როგორც შეგიძლიათ, პრაქტიკასთან ერთად ბარიერებსაც გადალახავთ

ექცლუზივიტვს პლატფორმას პოლონეთის დიასპორის წარმომადგენელი, ეკატერინე აფციაური შემოუერთდა. ეკატერინე პოლონეთში, კატოვიცეში ხუთი წელია ოჯახთან ერთად ცხოვრობს. პროფესიით ინჟინერ-ფიზიკოსი. წლების მანძილზე იკავებდა ერთ-ერთი სკოლის დირექტორის მოადგილის პოზიციას საქართველოში. ემიგრაციაში წასვლამდე მუშაობდა თბილისის საკრებულოში. 

ჩვენს მკითხველს ვთავაზობთ ეკატერინეს რჩევებს პოლონეთში მცხოვრები ემიგრანტებისთვის.

- ახალი ცხოვრება,ახალი ქვეყანა, ახალი გამოწვევები. ამ ყველაფერს თავი უნდა გავართვათ. ემიგრანტისთვის ახალი სპეციალობის დაუფლება შეიძლება იყოს რთული, მაგრამ მოგებიანი პოლონეთში. მინდა გაგიზიაროთ ის დაკვირვება და წლების მანძილზე დაგროვილი რამდენიმე რჩევა, რომელიც მეხმარება და იმედია დაგეხმარებათ წინსვლაში, დამკვიდრებაში და წარმატების მიღწევაში:

გამოიკვლიეთ თქვენი არჩეული სფერო, რომელშიც გსურთ მუშაობა. მოძებნეთ ვაკანსიები, დაუკავშირდით ამ სფეროში მომუშავე მეგობრებს ნაცნობებს, მით უმეტეს ახლა ინტერნეტის სამყაროში.

ისწავლეთ ენა. დარეგისტრირდით ენის კურსზე, ივარჯიშეთ მეტყველებაში, ნუ გაგიჩნდებათ კომპლექსი რომ სხვა უკეთ საუბრობს, იმეტყველეთ ისე როგორც შეგიძლიათ, პრაქტიკასთან ერთად ამეტყველდებით.

გამოცდილების მიღება: იფიქრეთ სტაჟირების ან საწყისი დონის სამუშაოზე, რათა მიიღოთ გამოცდილება თქვენს არჩეულ სფეროში. ეს დაგეხმარებათ თქვენი უნარების ჩამოყალიბებაში და პოტენციურ დამსაქმებლებთან კავშირების დამყარებაში.

განაგრძეთ სწავლა: უწყვეტი განათლება მნიშვნელოვანია პოლონეთში ბევრ სფეროში. იფიქრეთ კურსების გავლაზე და სერტიფიკატის აღებაზე, ევროპის ნებისმიერ ქვეყანაში შეძლებთ ამ სერტიფიკატით კარგი სამსახურის პოვნას.

იყავით დაჟინებული: ახალი სპეციალობის დაუფლებას დრო და ძალისხმევა სჭირდება. ნუ აიცრუებთ გულს თუ თქვენი მიზნების მიღწევას იმაზე მეტი დრო დასჭირდება, ვიდრე ელოდით. იყავით კონცენტრირებული, განაგრძეთ სწავლა და არასოდეს დანებდეთ.

გახსოვდეთ, რომ ახალი სპეციალობის დაუფლებაში წარმატება ხშირად შრომისმოყვარეობის, შეუპოვრობისა და პოზიტიური დამოკიდებულების ერთობლიობაა. მოთმინებით და შეუპოვრობით ნამდვილად შეძლებთ დამკვიდრებას პოლონეთში და თქვენს ახალ კარიერაში წარმატების მიღწევას.

ეკატერინე აფციაური/ პოლონეთი/ კატოვიცე

აგრეთვე დაგაინტერესებთ:

📌 პოლონეთში მცხოვრები ქართველი ემიგრანტების საყურადღებოდ - რა არის "კარტა პობიტუ"

📌 ქართველი ემიგრანტების ცხოვრება პოლონეთში - რა უნდა იცოდეს ემიგრანტმა