„ყველას დახმარებას ვთხოვ“ - ემიგრაციაში მყოფი, მეუღლე და შვილი დაღუპული დევნილი კაცის დაკრძალვაზე ჩამოსვლას ვერ ახერხებენ

დევნილი ზურაბ ქირიას მეუღლე და შვილი, რომლებიც წლებია ემიგრაციაში იმყოფებიან, დაკრძალვაზე ჩამოსვლას  ვერ ახერხებენ. 

როგორც ამბობენ, ტრაგედიის შემდეგ მათ დახმარებისთვის საელჩოს მიმართეს, თუმცა უარი  მიიღეს. ახლა რეაგირებას საგარეო საქმეთა სამინისტროს სთხოვენ, თუმცა, ამბობენ,რომ ჯერ არავინ დაკავშირებიათ. 

როგორც სანატორიუმ „ქართლში“ გარდაცვლილი დევნილის მეუღლე ჟურნალისტებთან ამბობს, სანამ ეს ამბავი მოხდებოდა, დილით  მეუღლემ დაურეკა, რომელიც აბსოლუტურად ნორმალურ მდგომარეობაში და ადეკვატური იყო.

„არანაირი პრობლემები არ ჰქონდა, არანაირი ფსიქიკური აშლილობა, იყო ნორმალური ადამიანი. ვითხოვ და ყველას დახმარებას ვთხოვ, მინდა, რომ გავაცილოთ ღირსეულად, როგორც მას შეჰფერის. უბრალოდ, აქედან წასვლა არ არის პრობლემა, მაგრამ უკან დაბრუნება პრობლემაა იმის გამო, რომ ჩემი შვილი სწავლობს.
შეუძლებელია იქ გაჩერება, ცხოვრება, თან საბუთებიც არ მაქვს იმ მდგომარეობაში, რომ უკან დავბრუნდე. დავრეკე საელჩოში საქართველოში და მითხრეს, რომ ვერანაირ დახმარებას ვერ გამიწევენ.“ – ამბობს გარდაცვლილი დევნილის მეუღლე.

გუშინ 16 იანვარს ზღვის უბანში, სანატორიუმ „ქართლში“ მცხოვრები ერთ-ერთი დევნილი ზურაბ ჭიჭოშვილი შენობის სახურავიდან გადმოხტა და ადგილზე გარდაიცვალა. როგორც სანატორიუმ „ქართლთან“ შეკრებილებმა განაცხადეს, მამაკაცი ასევე საქართველოს მთავრობისგან ყურადღებას და დევნილთათვის საცხოვრებელ სახლებს ითხოვდა.

"პირველადი ინფორმაციით, ეს არის უბედური შემთხვევა", - ასე გამოეხმაურა საქართველოს ჯანდაცვის მინისტრი, ზურაბ აზარაშვილი სანატორიუმ „ქართლში“ მომხდარ ტრაგედიას.

ასევე საინტერესოა:

🔵 52 წლის დევნილმა მამაკაცმა პროტესტის ნიშნად თავი მოიკლა

🔵ჯანდაცვის მინისტრი: პირველადი ინფორმაციით, სანატორიუმ "ქართლში" მომხდარი არის უბედური შემთხვევა

🔵 ომბუდსმენი ყოფილ სანატორიუმ "ქართლის" შენობაში მცხოვრებ დევნილებთან დაკავშირებით განცხადებას ავრცელებს