„გიზიარებთ „პირველი პეტროს“ ისტორიას"- თამთა გოდუაძე მიკონოსზე ულამაზეს თეთრ პელიკანს შეხვდა

მომღერალი თამთა გოდუაძე კუნძულ მიკონოსზე დასვენებისას, შემთხვევით თეთრ პელიკანს - სახელად „ პეტროს“ შეხვდა, რომელსაც ვიდეო გადაუღო და საინტერესო ისტორიასთან ერთად, საკუთარ გულშემატკივრებს სოციალური გვერდის მეშვეობით გაუზიარა:

„ვინმემ იცის როგორ და რატომ მოხვდა ეს მშვენიერი ჩიტი მიკონოსში?

ვერ ვიტყვი, რომ არ გამიხარდა მისი ნახვა, მაგრამ ქვეცნობიერად სევდა დამეუფლა და ეს შემთხვევით არასოდეს ხდება.

წავიკითხე და გიზიარებთ მიკონოსში „პირველი პეტროს“ ისტორია.

1958 წელს ადგილობრივმა მეთევზემ იპოვა დაჭრილი თეთრი პელიკანი, რომელსაც უმკურნალა და მოარჩინა. გამოჯანმრთელების შემდეგ პელიკანი კუნძულზე დარჩა და მასზე მთელი მოსახლეობა ზრუნავდა, თანდათანობით იგი კუნძულის თილისმად იქცა.

1985 წლის 2 დეკემბერს, ჩიტი უბედურ შემთხვევას ემსხვერპლა.  კერძოდ, ის მანქანის ქვეშ იყო შემძვრალი, რაც მანქანის მეპატრონემ ვერ შეამჩნია და პელიკანი მანქანის ბორბლების ქვეშ მოექცა. ის მძიმედ დაშავდა, რის გამოც სამკურნალოდ, საჰაერო გზით სალონიკში გადაიყვანეს, თუმცა მისი გადარჩენა ვერ მოხერხდა. პეტრო ამ დროს, დაახლოებით, 33 წლის იყო.

დღეს კუნძულ მიკონოსზე სამი თეთრი პელიკანი ცხოვრობს, ერთ მათგანს კი  პეტო ჰქვია,“ - წერს მომღერალი საკუთარ სოციალურ გვერდზე.