კორონავირუსთან დაკავშირებული დოკუმენტების წარდგენის პირობები საბერძნეთში გამგზავრებისთვის

საბერძნეთში მოგზაურობის დროს, ნებისმიერ პირი, რომელსაც ნება აქვს დართული საბერძნეთში შესვლაზე, უნდა აკმაყოფილებდეს ქვემოთ ჩამოთვლილ პირობებს:

უნდა ჰქონდეს დასრულებული ვაქცინაცია მგზავრობამდე არანაკლებ 14 დღისა. (ბერძნული მხარისათვის მისაღები ვაქცინებია: Pfizer-BioTech, AstraZeneca, Moderna, Janssen, Sputnik, Cansino Bilologics, Novavax) და უნდა წარადგინოს ვაქცინაციის სერტიფიკატი: ბერძნულ, ინგლისურ, ფრანგულ, გერმანულ, ესპანურ, იტალიურ ან რუსულ ენაზე, გაცემული საჯარო უწყების მიერ და დამოწმებული შესაბამისი წესით. ვაქცინაციის სერტიფიკატი უნდა შეიცავდეს შემდეგი სახის ინფორმაციას: პიროვნების სახელი და გვარი, ვაქცინის სახეობა, დოზების რაოდენობა, ვაქცინის გაკეთების თარიღი. 

ასევე ვაქცინაციის ქონის ან არქონის მიუხედავად, უნდა წარადგინოს PCR ტესტის უარყოფითი პასუხი, რომელიც გაკეთებულია მგზავრობამდე არაუგვიანეს 72 საათისა. ტესტის პასუხი შეიძლება იყოს ბერძნულ, ინგლისურ, ფრანგულ, გერმანულ,ესპანურ,იტალიურ ან რუსულ ენაზე და უნდა შეიცავდეს პასპორტის ან სხვა მაიდენტიფიცირებელ ინფორმაციას. 

მგზავრმა უნდა წარადგინოს Covid-19-ისაგან გამოჯანმრთელების ფორმა (PCR/სწრაფი ან ანტიგენის ტესტი), რომელიც გაცემულია კოვიდ ინფიცირების შესახებ დადებითი პასუხიდან 2 თვის შემდეგ. აღნიშნულის წარდგენა შესაძლებელია დოკუმენტის გაცემიდან არაუგვიანეს 9 თვისა. უნდა წარადგინოს ევროკავშირის ციფრული სერტიფიკატი, რომელიც გაცემულია ევროკავშირის მოთხოვნების შესაბამისად ციფრული ან მატერიალური ფორმით. აღნიშნული დოკუმენტი უნდა შეიცავდეს ინფორმაციას ვაქცინაციის, კოვიდ ტესტის ან გამოჯანმრთელების შესახებ მტკიცებულებებს, იმ ვალიდურობით, როგორც ეს განსაზღვრულია კანონში.

აგრეთვე, აუცილებელი ახალი წარსადგენი დოკუმენტია სპეციალურ სარეგისტრაციო ბაზაზე რეგისტრაციის დამადასტურებელი ცნობის ქონა ციფრული ან მატერიალური ფორმით.