„ომი დაუყოვნებლივ უნდა შეწყდეს და ახალი შესაძლებლობა უნდა მიეცეს დიალოგს, შერიგებისა და მშვიდობის მთავარი მექანიზმს"- მსოფლიო პატრიარქი ბართლომე

დღეს, 13 მარტს, კონსტანტინოპოლში მართლმადიდებლობის კვირა აღინიშნა, საღვთო ლიტურგია მსოფლიო პატრიარქის ბართლომეს წინამძღოლობით აღევლინა და მას საბერძნეთის პრემიერ-მინისტრის კირიაკოს მიცოტაკისიც ესწრებოდა.

ლიტურგიის მსვლელობისას, მსოფლიო პატრიარქმა უკრაინაში მიმდინარე ომზე ისაუბრა. პატრიარქი დაუყოვნებლივ ცეცხლის შეწყვეტას მოითხოვს და საკითხის მშვიდობიანად მოგვარების მიზნით, მხარეებს შორის ახალი დიალოგის გამართვის მოწოდებით გამოდის. 

"ვუყურებთ უკრაინელი ხალხის დრამას და ამავდროულად აღფრთოვანებული ვართ, დამპყრობლის მიმართ მათი გაწეული ძლიერი წინააღმდეგობით.

ჩვენ მოვუწოდებთ დაუყოვნებლივ შეწყდეს ცეცხლი ომის ყველა ფრონტზე. ძალადობა და ომი არათუ არ წყვეტს კამათს, არამედ იწვევს ტკივილს, სიკვდილს და ქმნის უფრო რთულ პრობლემებს.

ომი დაუყოვნებლივ უნდა შეწყდეს და ახალი შესაძლებლობა უნდა მიეცეს დიალოგს, შერიგებისა და მშვიდობის მთავარი მექანიზმს.

გაეროს წესდება,  საერთაშორისო ურთიერთობებში, ცალსახად კრძალავს ძალის გამოყენებას და ავალდებულებს ორგანიზაციის ყველა წევრს, მოაგვარონ თავიანთი დავა მშვიდობიანი გზით. „ომი არის საერთაშორისო სამართლის დარღვევა, რომელიც ახლა „მშვიდობის კანონია“- განაცხადა მან სიტყვით გამოსვლისას.

ლიტურგიის დასასრულს მსოფლიო პატრიარქმა საბერძნეთის პრემიერ-მინისტრს კირიაკოს მიცოტაკისს   მადლობა გადაუხადა  უკრაინელი ხალხისადმი გაწეული დახმარებისთვის. 

ასევე საინტერესოა

🔷უკრაინაში შეჭრა და ომი დაუყოვნებლივ უნდა დასრულდეს

🔷 ვოლოდიმირ ზელენსკიმ დაჭრილები მოინახულა და დააჯილდოვა

🔷გუშინ, საბერძნეთის საზღვარი 671 უკრაინელმა ლტოლვილმა გადაკვეთა მათგან 228 ბავშვია