საბერძნეთის პრემიერ-მინისტრმა და უკრაინის პრეზიდენტმა ტელეფონით ისაუბრეს - მიცოტაკისმა ზელენსკის სრული მხარდაჭერა აღუთქვა

დღეს საბერძნეთის პრემიერ-მინისტრმა კირიაკოს მიცოტაკისმა და უკრაინის პრეზიდენტმა ვოლოდიმერ ზელენსკიმ ტელეფონით ისაუბრეს. 

ორი ქვეყნის ლიდერების საუბრის მთავარი თემა იყო, თუ როგორ  შეიძლება უკრაინაში, რუსეთის შემოჭრის მე-19 დღის მძიმე  შედეგებთან გამკლავება. 

საბერძნეთის პრემიერ-მინისტრმა  ზელენსკის, უკრაინაში დახმარების გაგზავნისა და უკრაინელების ლტოლვილების მიღების საკითხში საბერძნეთის მთავრობის სრულ მხარდაჭერა აღუთქვა.

საუბარში მათ ასევე განიხილეს უმძიმესი მდგომარეობა უკრაინის იმ ტერიტორიებზე, სადაც ბერძნული საზოგადოება ცხოვრობს. 

პრემიერ-მინისტრმა აღნიშნა, რომ ევროკავშირმა გასულ კვირას საფრანგეთიდან, უკრაინას ევროპული პერსპექტივებისთვის მხარდაჭერის მნიშვნელოვანი პოლიტიკური შეტყობინება გაუგზავნა და აქვე ხაზგასმით აღნიშნა, რომ ყველა პარტნიორისა და მოკავშირის მიერ სანქციების სრულად განხორციელება,  რუსულ მხარეზე მოახდენს მნიშვნელოვან ზეწოლას, შეაჩეროს უკრაინაზე თავდასხმები. 

თავის მხრივ, ზელენსკიმ მადლიერება გამოხატა საბერძნეთის მიერ გაგზავნილი თავდაცვისა და ჰუმანიტარული დახმარებისთვის  და ხაზი გაუსვა, რომ  უზრუნველყოფს ჰუმანიტარული დერეფნების მუშაობას, განსაკუთრებით მარიუპოლში.

ასევე საინტერესო

🔷საბერძნეთში გაძვირებული ფასების გამო, მოსახლეობის ნაწილი საკვებისა და ბენზინის საყიდლად ბულგარეთში გადადის

🔷საბერძნეთის პრემიერ-მინისტრს კორონავირუსი დაუდასტურდა

🔷"ვაქცინაციის მესამე დოზა აუცილებელია" - ბერძენი პროფესორი