სასტიკი მკვლელობა ამერიკაში - ყოფილმა ქმარმა ბერძენი ემიგრანტი და მისი მეგობარი ქალი სასიკვდილოდ დაჭრა

29 წლის ბერძენი-ამერიკელი ქალი ყოფილმა ქმარმა ცივი იარაღით მოკლა, მძიმედ დაჭრა მისი მეგობარი ქალიც,  რის შემდეგაც იმავე იარაღით თავი მოიკლა.

სასტიკი მკვლელობა ამერიკაში 12 მარტს, ლონგ-აილენდის მასაპიკუას რაიონში მდებარე  სახლში მოხდა, სადაც წარმოშობით ბერძენი ქალის ყოფილი მეუღლე მეგობარ ქალთან ერთად  ცხოვრობდა.  

როგორც ცნობილია, 29 წლის ქალი ქმართან განშორების შემდეგ, მათ საერთო 17 თვის შვილთან ერთად საცხოვრებლად მშობლებთან გადავიდა. ქმარმა კი იმავე სახლში ცხოვრება ახალ პარტნიორთან ერთად გააგრძელა.   

მოკლული ქალის დედის თქმით,  საბედისწერო დღეს 29 წლის ირინი, სახლში ყოფილი ქმრის, 22 წლის მეგობარი ქალის თხოვნით მივიდა, იმ დროს როდესაც კაცი სახლში არ იყო.

"მას ჩემი შვილის დასამარება სურდა, რადგან ყოფილი ქმარი მოსვენების საშუალებას არ აძლევდა. გოგონამ ჩემს შვილს უთხრა, რომ მოისმინა კაცის საუბარი ადვოკატთან, სადაც ის  საშინელებებს იძახდა და ცუდად მოიხსენიებდა.

ის მიხვდა, რომ 34 წლის კაცი ძალიან უსამართლო იყო და თავადაც სურდა მასთან დაშორება, თუმცა გადაწყვიტა მანამდე ჩემს შვილს დახმარებოდა.  სამწუხაროდ, კაცი სახლში ადრე დაბრუნდა და მათ საუბარს შეესწრო, რის შემდეგაც ორივეს სასტიკად გაუსწორდა და თავიც მოიკლა."-  ამბობს მოკლული ირინის დედა და ასევე აღნიშნავს, რომ კაცს სერიოზული ფსიქიკური პრობლემები ჰქონდა, "ჩემი გოგო ეშმაკზე დაქორწინდა". 

სოციალურ ქსელში, გავრცელდა მეზობელი სახლის სათვალთვალო კამერების ჩანაწერი, სადაც ისმის 29 წლის ქალის ყვირილი, რომელიც დახმარებას ითხოვდა იმ დროს, როდესაც მას 34 წლის ყოფილი მეუღლე დაესხა თავს. ამავე ვიდეოში ისმის 22 წლის ქალის ხმაც რომელსაც დამნაშავემ დანით ჭრილობები მიაყენა.

პოლიცია და სასწრაფო დახმარება მეზობლებმა გამოიძახეს.  ადგილზე მისულებს ორი ქალი  და მოძალადე კაცი, სისხლის გუბეში იპოვეს.

სასწრაფო დახმარების ბრიგადამ, ისინი  საავადმყოფოში გადაიყვანა. სადაც , 29 წლის ამერიკის მოქალაქე ბერძენი ქალი მეორე დღეს გარდაიცვალა. 22 წლის ქალი კი კვლავ იბრძვის სიცოცხლისთვის.  34 წლის დამნაშავე კი საკუთარ თავზე, თვითმკვლელობის მიზნით მიყენებული დაზიანებებით, 15 მარტს გარდაიცვალა.

29 წლის ირინი ოჯახის ერთადერთი შვილი იყო, რომლებიც წარმოშობით საბერძნეთის კუნძულ ტილოსიდან არიან. ტილოსის მოსახლეობას კარგად ახსოვთ პატარა ირინი, რომელიც მშობლებთან ერთად კუნძულზე დასასველებლად ჩადიოდა.  

ასევე საინტერესოა

🔷საბერძნეთმა რუს ბიზნესმენებს ქონება დაუყადაღა

🔷საბერძნეთში მაღაზიიდან ფული და ხორცი მოიპარეს

🔷საბერძნეთში, აღდგომამდე, შესაძლოა Covid-ის სერტიფიკატის მოთხოვნის ვალდებულება გაუქმდეს