შაბათს, 26 ნოემბერს, საბერძნეთში, მოსხატოს კულტურის სახლში, ქართული დიასპორისთვის ღონისძიებები გაიმართება

შაბათს, 26 ნოემბერს, საქართველოს საელჩოს თანადგომითა და საქართველოს კულტურის, სპორტისა და ახალგაზრდობის სამინისტრო -ს ფინანსური მხარდაჭერით, პროექტის "კულტურული ღონისძიებები საზღვარგარეთ მოქმედი ქართული საკვირაო სკოლებისათვის" ფარგლებში, გაიმართება შეხვედრა საქართველოს პარლამენტის დიასპორისა და კავკასიის საკითხთა კომიტეტის წევრ ქალბატონ ქეთი დუმბაძესთან.

გარდა ამისა, საზოგადოებას ექნება შესაძლებლობა დაესწროს მომღერალი ია შუღლიაშვილის სემინარს; შესრულდება ინოლა გუგრულიას სიმღერები.

ღონისძიება დასრულდება ნოდარ დუმბაძის სახელობის მოზარდ მაყურებელთა პროფესიული სახელმწიფო თეატრის სპექტაკლით "რწყილი და ჭიანჭველა" / რეჟისორები: დიმიტრი ხვთისიაშვილი, გია მარღანია. ნოდარ დუმბაძის სახელობის მოზარდ მაყურებელთა თეატრი ვიწვევთ ქართულ დიასპორულ ორგანიზაციებს, ათენის საკვირაო სკოლების მოსწავლეებს, ქორეოგრაფიული და ვოკალური სტუდიებს, ქართველ მოზარდებს, ყველას, ვისაც სურვილი აქვს ქართული საბავშვო პოეზიის, ქართული სიმღერისა და ხალხური ზღაპრის სამყაროში იმოგზაუროს.

ღონისძიებები გაიმართება მოსხატოს კულტურის სახლში (მისამართი: სოლომუ N30) 14:00 საათზე.

დასწრება უფასოა!

ასევე დაგაინტერესებთ:

🔵გოგონა, რომელიც 11 წლის ასაკში დედა გახდა, სხვა კაცზე ქორწინდება

🔵„თუ არ გამოვფხიზლდით, ქალებსაც კიდევ დაწვავენ ცოცხლად ქვეყანაში და სათითაოდ შვილებსაც ამოგვიხოცავენ“ - ნიკო კვარაცხელიას დედა