ასტროლოგი ხათუნა ნოელი: “დღეს მზე გადავიდა მერწყულში! რაც იმას ნიშნავს, რომ…”

რჩევები ასტროლოგ ხათუნა ნოელისგან, რომლებიც მომავალი ერთი თვის განმავლობაში უნდა გავითვალისწინოთ, ანუ სანამ მზე მერწყულის ნიშანში დარჩება:

"მერწყულებო, გილოცავთ! დღეს დილით უთენია მზე გადავიდა მერწყულში!
რაც იმას ნიშნავს, რომ  ცოტათი ყველანი მერწყულები უნდა გავხდეთ - განსაკუთრებულები, ორიგინალურები, კომინიკაციურები, სწავლას მოწყურებულები, ტოლერანტულები! ვინც ისედაც მერწყულები ვართ, კიდევ უფრო მეტად!

მერწყულებისათვის  ერთ-ერთი ყველაზე მთავარი  ხომ  ერთიანობის, კოლექტიურობის გრძნობაა. ჰოდა, ვიყოთ ცოტა ხნით მაინც ცოოოტათი მეამბოხეები, გავერთიანდეთ საერთო იდეის გარშემო, ეს იდეა კი უკეთესი სამყაროს შექმნაში უნდა გამოიხატებოდეს, სადაც ყველასთვის იქნება სითბო და სიყვარული საკმარისი, სადაც მიმღებლობა ბევრად უფრო მაღალი გვექნება სხვა ადამიანების აზრების თუ ქმედებების მიმართ.

სადაც პირად ინტერესებზე მეტად, საერთო ინტერესები უფრო მნიშვნელოვანი იქნება! არ შევუზღუდავთ ერთმანეთს თავისუფლებას, და ამავდროულად გვეხსომება ისიც, რომ თავისუფლება თავგასულობას არ უდრის. გავაცნობიერებთ, რომ მეგობრები და თანამოაზრეები უდიდესი ძალაა! გვეყვარება შვილები უპირობოდ, და არა იმიტომ რომ საკუთრებად ჩავთვლით. პატივს ვცემთ ცოდნას, და გამოცდილებას, თუმცა გავიაზრებთ, რომ სიახლეების და რეფორმების გარეშე ცხოვრება შეუძლებელია, რომ კაცობრიობას პროგრესი ამოძრავებს, რომ  შეუძლებელია ადგილზე იდგე და წინ მიდიოდე... თუნდაც ცოტა ხნით, თუნდაც მხოლოდ წელიწადში 1 თვით, არ ვიფიქროთ  მხოლოდ ეგოზე და ყველანი მერწყულები გავხდეთ."