ხათუნა ნოელი: “ბედნიერების პლანეტა ვერძის ნიშანში გადავიდა” - გაიგეთ, ზოდიაქოს კიდევ რომელ ნიშანზე იმოქმედებს დადებითად ეს პროცესი

"გილოცავთ ვერძებო,  თქვენ ახლა ძალიან  მაგარი შანსები გეძლევათ მიზნების მისაღწევად" - ასტროლოგი ხათუნა ნოელი, იუპიტერის ვერძში გადასვლის შესახებ წერს და გვთავაზობს ამ მოვლენასთან დაკავშირებულ, მცირე პროგნოზს, ზოდიაქოს ყველა ნიშნისთვის:

"დღეს, 11 მაისს, 3:21:57-ზე  წარმატებისა და ბედნიერების პლანეტა იუპიტერი, ვერძის ნიშანში გადავიდა!

გილოცავთ ვერძებო,  თქვენ ახლა ძალიან  მაგარი შანსები გეძლევათ მიზნების მისაღწევად, სოციუმში თვითდამკვიდრებისთვის, პროფესიული ზრდისა და კარიერული წინსვლისათვის,  შემეცნებისა და თვალსაწიერის გასაფართოებლად და ბევრი სხვა კარგი საქმისთვის!

ცეცხლის სტიქიის დანარჩენი ორი წარმომადგენლისთვისაც მშვენიერი პერიოდია - ლომებო, მშვილდოსნებო, დაისახეთ ამბიციური მიზნები და მათ განხორციელებას უკვე დღეიდან შეუდექით! 28 ოქტომბრის ჩათვლით თქვენი დროა!

ეს პერიოდი წარმატების მომტანი იქნება ტყუპებისა და მერწყულებისთვისაც-  გონივრულად გამოიყენეთ!

რაც შეეხებათ  მზით კირჩხიბებს, სასწორებს და თხის რქებს, მათთვის შედარებით რთული პერიოდი დგება და სიფრთხილის გამოჩენა ნამდვილად არ აწყენდათ...

მზით ქალწულებისა და თევზებისათვის  28 ოქტომბრამდე ნეიტრალური პერიოდი იქნება. 

მორიელებს  და კუროებს  კარმული კვანძები ''სტუმრობენ'' და მათთვის  ამ წლის 8 იანვრიდან მოყოლებული  გაისად  ზაფხულის შუა პერიოდამდე ცხოვრებისეული გამოცდების ჩაბარების დროა, განურჩევლად იმისა, თუ სად იმოძრავებს იუპიტერი.

სხვათა შორის უკრაინაც ხომ კუროს ზოდიაქოს მმართველობის ქვეშ მოიაზრება. შესაძლოა  სხვა მიზეზებთან ერთად, ესეც გახდა იმის მიზეზი, რომ დღეს ეს ქვეყანა ამხელა კარმულ გამოცდას გადის! ვუსურვებთ წარმატებით ჩაებარებინოს და გამარჯვება მოეპოვებინოს მტერზე!

პ.ს. აქვე შეგახსენებთ, რომ მხოლოდ ზოდიაქოს, ანუ მზის ნიშნის მიხედვით გაკეთებული პროგნოზი, არაა სრულყოფილი და  სერიოზული ანალიზისთვის  პირადი რუკის  სრული კომპონენტაციიის გათვალისწინებაა საჭირო."

წყარო: "ასტროზონა"