რუსეთის ასტროლოგიურ რუკაზე მაისში დეფოლტი იკითხება - ხათუნა ნოელი

მაისში რუსეთს დეფოლტი ელის - ცნობილი ასტროლოგი ხათუნა ნოელი რუსეთის ასტროლოგიურ რუკას გვიზიარებს:

"ეს არის რუსეთის ასტროლოგიური რუკა. 
როგორც იცით, რუკები იყოფიან სექტორებად, რომლებსაც ჩვენ, ასტროლოგები, სახლებს ვუწოდებთ.

ქვეყნების ასტროლოგიაში ე.წ. ''მეორე სახლს'' აბარია სახელმწიფოს  ეკონომიკურ-ფინანსური მდგომარეობა (რაშიც შედის ეროვნული ხაზინა, ვალუტის რყევები, სახელმწიფოს მსყიდველობითუნარიანობა, აქციებსა და ობლიგაციებში ინვესტირების შესაძლებლობა. სახელმწიფო ვალი, ზოგადი მოგება და ზარალი, ფინანსური ტრანსაქციები, იარაღის ყიდვის შესაძლებლობა საგანგებო დროს, ვაჭრობა, ექსპორტი და იმპორტი, საპროცენტო განაკვეთები, ინვესტიციები, საფონდო ბაზარი და კიდევ ბევრი სხვა, რაც მატერიალურ რესურსებს უკავშირდება)

რუსეთის რუკის მეორე სახლს თუ შევხედავთ, ვნახავთ, რომ ის სასწორის ნიშნით იწყება, შესაბამისად მისი მმართველი გამოდის ვენერა. ვენერა ამ რუკაში კუროს მე-15 გრადუსზე ზის.

მიმდინარე პერიოდში ცაზე სწორედ ამ მე-15 გრადუსს გადის ტრანზიტული ურანი. რის გამოც ზუსტ შეერთებაში მოდის რუსეთის ფინანსების მმართველ ვენერასთან.

მე ჯერ კიდევ მარტში ვწერდი ამ ასპექტის შესახებ და ვვარაუდობდი, რომ  მაისის თვის ურანი-ვენერას შეერთება რუსეთში დეფოლტს გამოიწვევდა.

ეკონომისტებს და პოლიტოლოგებს  მიაჩნდათ, რომ დეფოლტი აპრილში უნდა განვითარებულიყო, თუმცა მათი პროგნოზი არ ახდა. 

და აი, მაისიც დადგა, ასპექტს 4 მაისს ჰქონდა პიკი, 19 მაისს კი მისი ზემოქმედება სრულდება. ზოგადად,  მოვლენები პიკის ახლომახლო პერიოდში ხდება ხოლმე. შემდეგ კი მათი წარმოქმნის ალბათობა  თანდათან კლებულობს. 4 აპრილს რუსეთს დაახლოებით 650 მილიონი დოლარის გადახდა უწევდა.  

რეიტერის ცნობით  სახელმწიფო ვალის ნაწილის დაფარვა მოსკოვმა შეერთებულ შტატებში გაყინული რეზერვების გამოყენების გარეშე შეძლო (ოღონდ რუსეთის ფინანსური სახსრების ზუსტი წარმომავლობა გაურკვეველიაო).

თუმცა ურანის ტრანზიტები თავისი არასტანდარტული ქმედებებით გამოირჩევა და ხანდახან სულ ბოლო მინუტებზეც კი შეუძლია კუდის მოქნევა. მით უმეტეს, რომ მოსკოვს ევრო-ობლიგაციების მომდევნო გადახდა მაისის  ბოლოს უწევს, რადგან ვალის გადახდის უფლებაზე ლიცენზიას 25 მაისს ეწურება ვადა."

წყარო: "ასტროზონა"