“თუ რაიმეს გაკეთება გინდათ, სჯობს 9 მაისამდე მოასწროთ” - ასტროლოგი ხათუნა ნოელი

"მინდა გაგაფრთხილოთ, რომ თუ რაიმეს მოსწრება გინდათ, 9 მაისამდე მოასწროთ," ხათუნა ნოელი, სამდღიანი სტაციონარული პერიოდის შესახებ გვაფრთხილებს:

"ვიდრე რეტროგრადულობაზე გადავიდოდეს, 9 მაისიდან 12 მაისის პერიოდში, მერკური იქნება სტაციონარული. ეს ნიშნავს, პლანეტის სიჩქარე იმდენად დაბალია, რომ ის თითქმის გაჩერებულია ერთ წერტილში.
ამჯერად მერკურის  ასეთი "გაჩერება" ტყუპების 04°50'-ზე ექნება. რასაკვირველია, ეს მხოლოდ ოპტიკური ილუზიაა, თუმცა დედამიწაზე მცხოვრებთათვის ეს ილუზია სრულიად რეალურ სირთულეებს ქმნის.

საქმე ისაა, რომ ნებისმიერი პლანეტის  დაქვემდებარებაში მყოფი საქმეები/საკითხები /მოვლენები ვითარდებიან, ან ვერ ვითარდებიან ამ პლანეტის მოძრაობის სიჩქარის შესაბამისად. 

მერკურის მოძრაობის ოთხდღიანი გაყინვა შეაფერხებს ჩვენს ცხოვრებაში მერკურიანულ საკითხებს - გონება, მოსმენილის თუ წაკითხულის სხარტად გააზრების და ათვისების უნარი მკვეთრად დაეცემა ყველა აქედან გამომდინარე შედეგებით. 

დაიკლებს ურთიერთობის  დამყარების სურვილი. შეფერხებები იქნება  კომუნიკაციის/ სოციალურ  ქსელებში,  პრობლემები შეიქმნება ინტერნეტის მუშაობაში, სატელეფონო კავშირებში; ცუდად იმუშავებს ფოსტა, საკურიერო სამსახური. თქვენი შეკვეთა შეიძლება არასწორადაც გაიგონ, ან საერთოდ გამორჩეთ.

საცობებზე აღარც მკითხოთ - თავისთავად იგულისხმება.
ის კი არადა შეფერხებებით იმუშავებენ  მაღაზიებში სალაროებთან მდგომი კონსულტანტებიც, რაც აქაც "საცობებს" წარმოქმნის. რიგების მიუხედავად ვაჭრობა იკლებს. 

12-ში მერკური რეტროგრადულობაზე გადავა და ნელ-ნელა სიჩქარეს აკრეფს. თუმცა ეს უკვე სხვა თემაა და მაგაზე უახლოეს მომავალში გესაუბრებით. დღეს კი სტაციონარულობაზე მინდოდა გამეფრთხილებინეთ, რომ თუ რაიმეს მოსწრება გინდათ,  9 მაისამდე მოასწროთ.

წყარო: "ასტროზონა"