იტალიაში, დღეიდან, პანდემიის გამო დაწესებული შეზღუდვების მოხსნა იწყება

იტალიაში დღეიდან, პანდემიის გამო დაწესებული შეზღუდვების მოხსნა იწყება და  ეს ეტაპობრივად მოხდება. იტალიის პრემიერის, მარიო დრაგის ბოლო დეკრეტის თანახმად:

10 მარტიდან, ანუ დღეიდან, კინოთეატრებში, სტადიონებზე, საკონცერტო დარბაზებში და მსგავს დაწესებულებებში დაშვებული იქნება ბატიბუტის, გაზიანი სასმელების, ლუდის და ა. შ. მიღება.

10 მარტიდან, ორწლიანი პაუზის შემდეგ, ასევე დაიშვა საავადმყოფოებში პაციენტების მნახველთა მიღება. ვიზიტის საშუალება ექნებათ მხოლოდ Rafforzato da Super Green pass-ის მფლობელებს. მეორე ტიპის მწვანე საშვის შემთხვევაში, აუცილებელი იქნება კოვიდტესტის უარყოფითი პასუხიც.

31 მარტს მთავრდება პანდემიის გამო დაწესებული საგანგებო მდგომარეობა და ის აღარ გახანგრძლივდება. შესაბამისად გაუქმდება დისტანციურად მუშაობის სისტემაც, თუ ეს დამსაქმებლისა და დაქვემდებარებული პირის ინდივიდუალური შეთანხმება არ იქნება.

1-ლი აპრილიდან სტადიონების ტრიბუნების მაყურებლით სრულად შევსება იქნება ნებადართული. 

ნელ-ნელა, სიტუაციის გაუმჯობესებასთან ერთად, მოიხსნება სხვა შეზღუდვებიც, მაგრამ ჯერ ისევ გაურკვეველია დახურულ სივრცეში ნიღბების ტარების ვალდებულების საკითხი.

მიუხედავად იმისა, რომ აცრის ვალდებულება მიმდინარე წლის 15 ივნისამდე რჩევა. მთავრობა განიხილავს 50 წელს გადაცილებული დასაქმებული მოსახლეობის საკითხს. შესაძლოა ამ კატეგორიას დართონ ნება, სამუშაო ადგილზე მხოლოდ კოვიდტესტის უარყოფითი პასუხის საფუძველზეც გამოცხადდნენ. 

აგრეთვე დაგაინტერესებთ:

📍 იტალიაში ფქვილის, ზეთის და შაქრის შეძენაზე ლიმიტი დაწესდა

📍 იტალიაში “მეპროცენტე” დააკავეს, რომელიც წელიწადში 100%-იან მოგებას იღებდა

📍 თუ ლაციოს რეგიონში დაქორწინდებით, 2000 ევროს მიიღებთ! - იტალია

📍 იტალია: “მხარეებმა გამოთქვეს იმედი, რომ მოსკოვსა და კიევს შორის მოლაპარაკებების მორიგი რაუნდი მალე გაიმართება და საკვანძო საკითხებზე შეთანხმება მიღწეული იქნება“

📍 სალვინის, პუტინთან მეგობრობა შეახსენეს, როცა ის პოლონეთის საზღვართან ლტოლვილებთან შესახვედრად იმყოფებოდა