იტალიაში მაიმუნის ვირუსის პირველი შემთხვევა დაფიქსირდა

დამღლელი და უკვე გამაღიზიანებელიც კია ახალ ვირუსებზე საუბარი, თუმცა სამწუხაროდ იტალიაში მაიმუნის ყვავილის პირველი შემთხვევა დაფიქსირდა. ამის შესახებ ინფორმაცია „სპალანზანი“ს ინსტიტუტმა გაავრცელა, სადაც ვირუსის არსებობა დაადგინეს.

ეს არის კანარის კუნძულებიდან დაბრუნებული ახალგაზრდა, რომელსაც დაუდგინდა ვირუსის კლინიკური სურათი და სწრაფად იქნა იდენტიფიცირებული. 

„ახალგაზრდა მოთავსებულია სამარტოო საკანში. მიმდინარეობს ეპიდემიოლოგიური გამოკვლევები და კონტაქტის მოკვლევა. კიდევ ორი ​​საეჭვო შემთხვევაა დაფიქსირებული და მიმდინარეობს დაკვირვება. მიუხედავად იმისა, რომ პირველი შემთხვევა დაფიქსირდა იტალიაში, მსგავსი შემთხვევა უკვე დადასტურდა აშშ-ში.

ამჟამად ევროპაში 17 დადასტურებული შემთხვევაა (14 იყო „სპალანზანის“ განცხადებამდე, ამ დილით), კერძოდ დიდ ბრიტანეთში, ესპანეთსა და პორტუგალიაში. კიდევ 24 პოტენციურად ინფიცირებული ადამიანის შესწავლა მიმდინარეობს.  ვირუსი უფრო გავრცელებულია ცენტრალურ და დასავლეთ აფრიკაში, სადაც გადაცემა ძირითადად ხდება ინფიცირებულ ცხოველებთან პირდაპირი კონტაქტით. ვირუსი ასევე შეიძლება გავრცელდეს კანის ინფექციურ დაზიანებებთან უშუალო კონტაქტით, ან ხველისა და ცემინების შედეგად, ვისაც აქვს მაიმუნის გამონაყარი. 10 შემთხვევიდან ერთი ფატალურია, მაგრამ შტამი, რომელიც გლობალურად ვრცელდება, უფრო მსუბუქია და ითვლება, რომ სიკვდილიანობის მაჩვენებელი დაახლოებით 100-დან ერთს შეადგენს, რაც მსგავსია Covid-19-ის პანდემიის დაწყებისას.

ვირუსით ინფიცირებულ ადამიანებს სიმპტომები 5-დან 21 დღეში უჩნდებათ. ვირუსის სიმპტომებია: ცხელება, თავის ტკივილი, სხეულის ტკივილი, ზურგის ტკივილი, ლიმფური კვანძების შეშუპება, შემცივნება და დაღლილობა. უფრო უჩვეულო სიმპტომებში შედის გამონაყარი, რომელიც ხშირად იწყება სახეზე, და შემდეგ ვრცელდება სხეულის სხვა ადგილებში. სპეციფიკური მკურნალობა არ არსებობს, მაგრამ ჩუტყვავილას ვაქცინა გარკვეულ დაცვას უზრუნველყოფს.

ვაქცინა, „Jynneos“, ლიცენზირებულია მაიმუნის ინფექციების თავიდან ასაცილებლად შეერთებულ შტატებში. ნაჩვენებია, რომ ვაქცინა დაახლოებით 85 პროცენტით ეფექტურია მაიმუნის ინფექციის თავიდან ასაცილებლად.

დოდუკა ბრატულიჩი სპეციალურად ExclusiveTV-თვის რომიდან

აგრეთვე დაგაინტერესებთ:

📌 რამდენად საშიში ინფექციაა „მაიმუნის ყვავილი“ და რას ამბობს ჯანმოს ევროპის ოფისი?

📌 რომის მერია, იმ პირებს, რომლებმაც ცარიელი შენობები არაკანონიერი გზით დაიკავეს, ჩაწერის ნებას მისცემს?!

📌 იტალიაში 200 ევროიანი დახმარების შესახებ განკარგულება დამტკიცდა - გაიგეთ ყველა დეტალი!

📌 Attenzione! ვინ და როდის მიიღებს 200 ევროიან დახმარებას, იტალიის სახელმწიფოსგან?!