იტალიაში პური და პასტაც გაძვირდა

იტალიაში, საწვავის ფასის და კომუნალური გადასახადების გაზრდის შემდეგ, ფასმა მოიმატა პურზე და ფქვილპროდუქტებზეც. "რეკორდული" რიცხვი ფერარაში დაფიქსირდა, სადაც 1 კგ პურის ფასი 9.8 ევრო იყო. რუსეთ-უკრაინის ომის გამო, წინასწარი ვარაუდით შესაძლოა ფასებმა 15-დან 30%-მდე მოიმატოს. 

მიუხედავად სოფლის მეურნეობის მინისტრის სტეფანო პატუანელის განცხადებისა, რომ პანიკის საფუძველი არ არსებობს, სარდინიასა და ლიგურიის რეგიონების სუპერმარკეტებში მოსახლეობის მხრიდან უკვე შეიმჩნევა გარკვეული პროდუქტის გადამეტებით შეძენის ფაქტები. 

გაზრდილია პასტის ფასიც. ამ მხრივ ყველაზე ძვირი სარდინიის ადმინისტრაციული ცენტრი კალიარია, სადაც ერთი კილო პასტა, 4.7 ევრო ღირს. პური საშუალოდ - 5.31 ევრო. ვენეციაში პურის ფასი 5.52-დან 8.5 ევრომდე მერყეობს. პურის ფასი 6 ევროს სხვა ისეთ დიდ ქალაქებშიც აჭარბებს როგორიცაა მილანი, ბარი, ბოლონია და მოდენა და ა.შ. 

ამ მხრივ ყველაზე ეკონომიურ ქალაქებად ნეაპოლი, კოზენცა და ბენევენტო რჩებიან, სადაც ფასი 2-დან 2.65 ევრომდე მერყეობს.

„ნამდვილად არის ნედლეული და პროდუქტი, რომელთაც კონფლიქტში ჩართულ, ან კონფლიქტთან ძალიან ახლოს მყოფი ქვეყნებისგან ვყიდულობთ და რომლებმაც საკმაოდ საეჭვო კომერციული არჩევანი გააკეთეს, მაგალითად ასეთია უნგრეთი, მაგრამ ჩვენ ასევე გვაქვს ჩვენივე წარმოება, რომელიც გვაძლევს საშუალებას ვთქვათ, რომ სუპერმარკეტებს მომარაგების მხრივ პრობლემები არ შეექმნებათ. მოქალაქეებს უნდა მივაწოდოთ მესიჯი, რომ მშვიდად იყვნენ და რომ სუპერმარკეტების თაროებზე შტურმის საფუძველი არ არსებობს,“ - აცხადებს სტეფანო პატუანელი.

წყარო

აგრეთვე დაგაინტერესებთ:

📌 იტალიაში, მომატებული ფასების გამო, მოსახლეობამ ბუნებრივი აირის და ელექტროენერგიის ქურდობა დაიწყო

📌 Green Pass-ი - 31 მარტიდან იტალიაში შეზღუდვების ნაწილი უქმდება

📌 იტალიის პოლიცია დღეიდან ელექტროშოკური იარაღის გამოყენებას იწყებს

📌 რატომ აკავებენ საქართველოს მოქალაქეებს იტალიაში - ყალბი პასპორტების საქმე