იტალიაში ყველაზე ორიგინალური ნაძვის ხე მოდენაში დაიდგა - რისგან შექმნეს ის?

ემილია-რომანიას რეგიონში, ქალაქ მოდენაში ორიგინალური ნაძვის ხე დაიდგა. ის შალისგან დაამზადეს. შალის ხელნაკეთი ნაძვის ხე ახალი 2022 წლის დასახვედრად უკვე მზადაა  და მის შესაქმნელად 261-მა ემილიელმა ქალმა იმუშავა. შალის ნაწარმის გადამუშავების მიზნით მათ შექმნეს 3 257 პატარა ზომის შალის ფერადი ტილო.

შემდგომ უკვე ქალაქის სან ფრანცესკოს მოედანზე მისი აწყობაც ორიგინალურად მიმდინარეობდა, მას ყველაზე ფერად ნაძვის ხედ მოიხსენიებენ. ემილიელმა ქალებმა ხელნაკეთი ნაძვის ხის შესაქმნელად 90 კგ. შალის ნაწარმი გამოიყენეს და მის დამზადებაში უსასყიდლოდ მიიღეს მონაწილეობა.  

ემილია-რომანიას რეგიონის პრეზიდენტი სტეფანო ბონაჩინი ამ ფაქტს ფეისბუკის პირად გვერდზე, სტატუსით გამოეხმაურა  და მიესალმა ემილიელი ქალების ამ შესანიშნავი იდეის განხორციელებას. 

9 იანვრამდე საახალწლო ნაძვის ხე სან ფრანცესკოს მოედანზე დარჩება, შემდგომ კი შალის ტილოებს, ხელნაკეთ ნაქარგებს სხვა დანიშნულებისთვის გამოიყენებენ. ემილიელი ქალები მხოლოდ ხელნაკეთი ნაძვის ხის შექმნით არ შემოიფარგლნენ, მათ 24 შალის გადასაფარებელი შექმნეს ხანდაზმულებისთვის და  საჩუქრად გადასცემენ.

ნონა გედენიძე - სპეციალურად exclusivetv.ge-თვის ემილია-რომანიადან

აგრეთვე დაგაინტერესებთ:

🔵 გაუქმებული საშობაო და საახალწლო ღონისძიებები - იტალიის ერთ-ერთი რეგიონი დღესასწაულების აღნიშვნაზე უარს ამბობს

🔵 იტალიის ერთ-ერთ რეგიონში მიწისძვრა მოხდა

🔵 ბარის ქართული სამრევლო - „კეთილი სურვილებით ყველას გილოცავთ წმინდა ნიკოლოზის დღესასწაულს“

🔵 მაშ ასე, ნახეთ, „Her Mit“-ის რჩევები რა გელოდებათ 20-დან 26 დეკემბრამდე შუალედში ზოდიაქოს თითოეულ ნიშანს