კონგოში იტალიის ელჩის მკვლელობაში ეჭვმიტანილები დააკავეს - რატომ მოკლეს ახალგაზრდა დიპლომატი?!

ინფორმაციას კონგოს პროვინცია "ნორდ კივის" ოფიციალური უწყება ავრცელებს. იტალიელი ელჩის, ლუკა ატანაზიოს მკვლელობის ბრალდებით, დაკავებულია კონგოს სხვადასხვა კრიმინალური დაჯგუფების 6 წევრი. 

ელჩი 2021 წლის 22 თებერვალს მოკლეს პირად მძღოლთან მუსტაფა მილამბოსა და ესკორტის წევრ, კარაბინერ ვიტორიო იაკოვაჩისთან ერთად. ახალგაზრდა დიპლომატი აღნიშნულ პროვინციაში ჰუმანიტარული მისიით იმყოფებოდა.

იტალიური პრესა ავრცელებს ვიდეოს, სადაც 6 ადამიანი მიწაზე ხელბორკილებდადებული ზის. პოლიციის აცხადებს, რომ ეს არის დაჯგუფება, რომელმაც სისხლით მორწყა ქალაქი გომა. 

ძებნაშია დაჯგუფების მეთაური, რომელსაც უშუალოდ ელჩის მკვლელობაში ედება ბრალი. სამართალდამცველების განცხადებით პირი იდენტიფიცირებულია, იციან სადაც იმალება და სულ მალე მასაც დააკავებენ.

როგორც ირკვევა კრიმინალურ დაჯგუფებას იტალიელი ელჩის გატაცება ფულის, კონკრეტულად კი, ერთი მილიონი დოლარის გამოძალვის მიზნით ჰქონდა დაგეგმილი. 

მდგომარეობა მას შემდეგ შეიცვალა, როდესაც თავდასხმისას ატანაზიომ გაქცევა სცადა. დაჯგუფებამ და მისმა მეთაურმა, ელჩი და მისი ორი თანმხლები პირი ადგილზე მოკლეს.

ლუკა ატანაზიო, იტალიის პრეზიდენტ სერჯო მატარელასგან, გარდაცვალების შემდეგ, "დიდი ჯვრის საპატიო ორდენით" დაჯილდოვდა.